ანდრეა პირლო:”ჩემი მიზანი იყო ფინალში გავსულიყავით”

ანდრეა პირლომ სუპერ თასის შემდეგ, იტალიის თასის ფინალში ასპარეზობის უფლებაც მალევე მოიპოვა.

მწვრთნელი მოხარულია გუნდის ბოლოდროინდელი წარმატებით:

“ჩემთვის მთავარი იყო მიზნის მიღწევა და ბუნებრივია ფეხბურთელების მოქმედებით კმაყოფილი დავრჩი, თუმცა შეცდომებზე თვალის დახუჭვა თავის მოტყუება იქნებოდა, რაც დაუშვებელია.

ფეხბურთელის ამპლუაში გარკვეული პროცესები უფრო მარტივად ვითარდება. მწვრთნელს კი თამაშის დასრულებისთანავე უწევს მომდევნო დაპირისპირებაზე ფიქრი და ახალი სტრატეგიის შექმნა. 

ახლა ცოტას დავისვენებთ და შაბათის თამაშისთვის მოვახდენთ კონცენტრირებას. 

მცველებით, რომლებიც ჩემს განკარგულებაში არიან მუდამ ვამაყობდი. მათ საოცრად ითამაშეს და ბუნებრივია ასეთი ბიჭების იმედი სულ მექნება. ბევრი ვერ დაიკვეხნის საკუთარ რიგებში 4 ასეთი განსაკუთრებული ცენტრალური მცველით!

საუბარი მარტო ჯორჯო კიელინის დაბრუნებაზე არ არის.. თითოეული მათგანი მაქსიმალურად იხარჯება და დღეისათვის ფორმის პიკზე გავიდნენ. არაა იოლი მოედნიდან გააქრო რომელო ლუკაკუ და ლაუტარო მარტინესი. ისინი ქებას იმსახურებენ!

ხალხი მაქს ალეგრის მადარებს? თუ შევძლებ და მოვიგებ იმდენივეს რაც მაქსმა მაშინ, რატომაც არა!

ყველა თამაში ინდივიდუალურ მიდგომას საჭიროებს და ჩვენც, გვაქვს სათანადო რესურსი რისი დახმარებითაც კონკრეტულ მატჩზე ვეწყობით.

ხალხი ამბობს თითქოს სტანდარტული 4-4-2 მოდულით ვმოქმედებთ, რაც სიმართლეს ნაკლებად შეესაბამება. სეზონი განსხვავებულ სტილში დავიწყეთ, მაგრამ პერიოდულად ყველაფერი შეიცვალა და ახლა რადიკალურად სხვა კონცეფციაზე ვმუშაობთ.

იქნებიან თუ არა სასტარტოში ერთდროულად ალვარო მორატა, პაულო დიბალა და კრიშტიანო რონალდუ? დღევანდელ დღემდე ვერ მოხერხდა, მათი იდეალურ კონდიციებში ხილვა. თავდაპირველად პრობლემები დიბალას ქონდა, შემდეგ მორატას.. 

მათი დაბრუნების შემდეგ, ამ ვარიანტზე ნამდვილად ვიფიქრებ რადგან მათ ისეთი ტიპის მახასიათებლები აქვთ, რომელთა დახმარებითაც შეძლებენ მოედანზე ერთდროულად ყოფნას და შედეგის მოტანას.”