ფეხბურთელების შეფასებები

იუვენტუსმა ორი მატჩის ჯამში ინტერი 2-1 დაამარცხა და იტალიის თასის ფინალში ასპარეზობის უფლება მიიღო.

ახლა კი გთავაზობთ ტრადიციულ შეფასებებს, რომელიც La Stampa -მ გამოაქვეყნა:

ბუფონი – 6 – ბევრი საქმე არ ქონია, მაგრამ როცა საჭირო იყო ყოველთვის ერთვებოდა და ანეიტრალებდა სიტუაციას. მუდმივ ხაზზეა დაცვის ხაზთან, რომელთა გადაადგილებასაც დირიჟორობდა. მისი კარნახის მოსმენა ყველა იუვენტინოსთვის ერთი დიდი სიამოვნებაა!

დანილო – 7 – ჯერ დარმიანი ცდილობდა დაჯაბვნას, შემდეგ პერეშიჩი.. უშეცდომოა და ძალიან სასარგებლო.

დე ლიხტი – 7 – ლუკაკუსთან ორთაბრძოლა ჰოლანდიელის გამარჯვებით დასრულდა. ის ნამდვილად არის იუვენტუსის მომავალი!

დემირალი – 7.5 – მატჩის საუკეთესო იუვენტინო! აიღო და ლაუტარო მარტინესი მოედნიდან გააქრო! ძალიან ხმამაღლა უთხრა, რომ მის სამფლობელოში მას არაფერი ესაქმებოდა.. არა და არა!

ალექს სანდრო – 6 – პირველ 45 წუთში პრობლემებს განიცდის.. ჰაკიმი მის ზონაში ხშირად რჩება გამარჯვებული. მეორე ნახევარში შეტევას თავს ანებებს და ძირითადად დაცვაზე ორიენტირდება, რომელიც აუმჯობესებს მის საერთო სურათს.

ბენტანკური – 5 – მართალია ბევრი ურთი წამოიღო, მეტოქესაც არაერთხელ აართვა, თუმცა სისხლის სამართლის დანაშაულის დონის შეცდომებს უშვებს ისეთ ზონაში, რომელიც გუნდისთვის მომაკვდინებელი შეიძლება გახდეს. არტურის გარეშე საკმაოდ გაუჭირდა.

რაბიო – 6 – ბევრი ართმევა, ჩაჭრა და ბურთის კარგი კონტროლი. ფრანგმა მორიგი კარგი შეხვედრა შემოგვთავაზა.

ბერნარდესკი – 5 – კიდევ ერთი შანსი გაუშვა ხელიდან. არანაირი იდეა და კრეატივი.. ყველაფერთან ერთად დაცვაშიც მოიკოჭლებდა და ალექს სანდროს პრაქტიკულად ვერაფრით ვერ დაეხმარა.

კუადრადო – 6 – ჩვენ შევეჩვიეთ მისგან ფეერიულ თამაშს და აქედან გამომდინარე, ეს 90 წუთი მისთვის შესაფერისი არ იყო. თუმცა, კოლუმბიელის ყოველ ჩართვას რაღაც საინტერესო მოყვებოდა, რაც აღსანიშნავია.

კულუსევსკი – 5 – პირველ ტაიმში მე-40 წუთზე გამოჩნდა, როდესაც ბურთი გაატარა.. არ ცდილობდა.. ასეთი დარჩა შთაბეჭდილება. ვერაფრით შეძლო გუნდს გაძღოლოდა.

რონალდუ – 6.5 – შემტევებიდან უდაოდ ყველაზე აქტიური. რამდენიმე ჭკვიანური მოქმედება და არც კარში დარტყმები დავიწყებია. ის რომ ანგარიში 0-0 დარჩა, გარკვეულწილად მისი დანაშაულიც არის, რადგან ორი საკმაოდ კარგი მომენტი ქონდა თავის გამოსაჩენად.