იუვენტუსის ფანები სტადიონზე კონტეს ვარსკვლავის გაუქმებას ითხოვენ

ანტონიო კონტეს უხამსმა ჟესტიკულაციამ სოციალურ ქსელში ნამდვილი შტორმი გამოიწვია!

იუვენტუსის ფანები ფაქტიურად გაერთიანდნენ და ალიანც არენაზე ანტონიო კონტეს ვარსკვლავის გაუქმებას ითხოვენ.

საფეხბურთო წრეებში არსებული აზრი გაიყო და შემდეგნაირად გამოიყურება:

ანჯელო დი ლივიო:”ანტონიოს ძალიან კარგად ვიცნობ. ეს არის ადამიანი რომელიც საკუთარ მოსაზრებას პირდაპირ გამოხატავს ყოველგვარი შელამაზების გარეშე.

თუმცა, მე პირადად თავს შევიკავებ რაღაცის შეფასებისგან. დიახ, ეს არ იყო ლამაზი საქციელი მაგრამ კონტეს იუვენტუსი ძალიან უყვარს და ამის გამო ვარსკვლავის გაუქმება არ იქნება სწორი.”

ჯუზეპე ბერგომი:”კონტემ ჟურნალისტებთან საუბარში საკუთარი მოსაზრება მკაფიოდ დააფიქსირა. გააუქმებენ თუ არა ვარსკვლავს ეს მათი გადასაწყვეტია და ამ თემაზე ვერაფერს მოგახსენებთ.”

ალესიო ტაკინარდი:”კონტეს არ მართებდა ამის გაკეთება. ჩვენ ყველანი ემოციურები ვართ, მაგრამ რაღაცის ტყვეობაში არ უნდა მოვექცეთ. ვარსკვლავის გაუქმება? ზუსტად ვიცი რომ ტურინში ასეთი საქციელს არავის პატიობენ.”

ბიაჯო ანტონაჩი (მომღერალი):”ნამდვილი ლიდერია! ვარსკვლავის გაუქმება? სასაცილოა! ამით ანტონიოს ვერაფერს დააკლებენ!”

ანჯელო ალესიო:”ფანები ითხოვენ ვარსკვლავის გაუქმებას? ასე მალე დაავიწყდათ რაც ანტონიომ გუნდისთვის გააკეთა? დაუშვებელია მის ვარსკვლავს ვინმე შეეხოს!”