ანდრეა პირლო:”ვწუხვარ გატუზო გამო, თუმცა..”

დღეს, ჩვენი დროით 21:00 -ზე ნაპოლი ტურინის იუვენტუსს უმასპინძლებს.

ორივე გუნდისთვის აღნიშნული შეხვედრა პრინციპულ ხასიათს ატარებს.

ჯენარო გატუზოს საკმაოდ რთული სიტუაცია აქვს. დადის ხმები, რომ ბიანკონერისთან მარცხის შემთხვევაში მას დაკავებულ თანამდებობას დაატოვებინებენ.

ანდრეა პირლოს სიტუაცია განსხვავებულია. მას ასე რადიკალურად არა აქვს საქმე, თუმცა სატურნირო თვალსაზრისით თითოეულ ქულას დიდი მნიშვნელობა აქვს და მაესტრომ წინასამატჩო პრესკონფერენციაზე სწორედ ამ ფაქტს გაუსვა ხაზი:

“ვწუხვარ რინოს გამო, თუმცა ეს ჩვენი სამუშაოს განუყოფელი ნაწილია. ვიცი რა მისი ხასიათი, იგი ბოლომდე შეეცდება სიტუაციის გამოსწორებას.

თუმცა, მასთან დიდი პატივისცემის მიუხედავად ყველას ჩვენი საზრუნავი და პრობლემები გვაქვს. ამ მხრივ გამონაკლისი არც თავად გახლავართ.

რომასთან და ინტერთან ტაქტიკური ცვლილება გამოწვეული იყო ჩემი პირადი გადაწყვეტილებით. არის შეხვედრები, როდესაც მაღლა აწეული პრესინგია საჭირო, მაგრამ რიგ ეპიზოდებში ჯობს მეტოქის მოქმედებებს დაელოდო.

საბოლოო ჯამში კონკრეტული მოდული, მოწინააღმდეგედან გამომდინარეა არჩეული. 

შემადგენლობის მხრივ გარკვეული პრობლემები შეიმჩნევა, თუმცა საბედნიეროდ ჩემს განკარგულებაში დიდი კოლექტივია, რომლებსაც ძალუძთ დავალებების შესრულება.

პაულო დიბალა თავს უკეთ გრძნობს და უახლოეს პერიოდში მის დაბრუნებასაც უნდა ველოდოთ. ანალოგიური სიტუაცია არის აარონ რემზის შემთხვევაშიც. 

ალვარო მორატა გამოჯანმრთელდა და არაა გამორიცხული საწყის წუთებშივე ვიხილოთ. ყოველ შემთხვევაში არჩევანის საშუალება გვაქვს და ყველაფერს მატჩის წინ გადავწყვეტთ.”