იუვენტუსის სავარაუდო სასტარტო პორტოს წინააღმდეგ

დღეს, იუვენტუსი პორტოს Estádio do Dragão -ზე დაუპირისპირდება და საპასუხო შეხვედრის წინ კომფორტული შედეგის მიღწევას ეცდება.

ანდრეა პირლო ამ მატჩს გარკვეული საკადრო პრობლემებით ხვდება. იყო მოლოდინი, რომ აღნიშნული დაპირისპირებისთვის პაულო დიბალა ძალების აღდგენას მოასწრებდა და მინიმუმ სათადარიგოთა სკამზე გამოჩნდებოდა.

ბიანკონერის გულშემატკივრების სამწუხაროდ არგენტინელი გუნდს კი გაყვა და განაცხადშიც შეიყვანეს, თუმცა მატჩში მონაწილეობას ვერ მიიღებს. როგორც ჩანს ვარჯიშზე გარკვეული ნორმატივების ჩაბარება ისევ ვერ მოახერხა და მაესტრომ პროცესის ფორსირებაზე უარი თქვა.

პრობლემები აქვს ლეონარდო ბონუჩისაც, რომელიც დაახლოებით 20 დღის მანძილზე ვერ შეძლებს მოედანზე გამოსვლას. კარგი ამბავი არის ის რომ აარონ რემზი გამოჯანმრთელდა და ამ შეხვედრაში მონაწილეობის მისაღებად მზადყოფნაშია.

ახლა კი ჩვეულად სავარაუდო შემადგენლობაზე, რომელიც სხვადასხვა იტალიურ წყაროებზე დაყრდნობით უნდა გაგაცნოთ:

ტაქტიკური მონახაზი 4-4-2 იქნება.

კარს პოლონელი ვოიცეხ შესნი დაიცავს.

დაცვის მარჯვენა ფლანგზე დანილოს, ხოლო საპირისპიროზე ალექს სანდროს უნდა ველოდოთ. მოთამაშეები, რომლებიც წლების წინ პორტოს რიგებში ირჯებოდნენ და ამ გუნდს მშვენივრად იცნობენ.

ცენტრალურ დუტეს მატეის დე ლიხტი და ჯორჯო კიელინი შეადგენენ.

შუახაზში მარჯვენა ფრთაზე ფედერიკო კიეზა გაირჯება, რომელიც ბრწყინვალე ფორმაშია. ცენტრში წესით და რიგით როდრიგო ბენტანკურსა და ადრიენ რაბიოს ვიხილავთ. მარცხენა ფრთაზე ამერიკელი უინსტონ მაკენი ითამაშებს.. თუმცა, თავადაც ხვდებით, რომ კიეზა – მაკინის პოზიცია პირობითია და ისინი 90 წუთის მანძილზე ხშირად იცვლიან პოზიციებს.

შეტევაში პირლომ განაცხადა, რომ ალვარო მორატა არ გადის იდეალურ პერიოდს.. შესაბამისად იტალიელი მიმომხილველების ღრმა რწმენით სასტარტოში დეიან კულუსევსკი იდგება, რომელიც კრიშტიანო რონალდუს გაუწევს პარტნიორობას.