ანდრეა პირლო კროტონესთან მატჩს აფასებს

ანდრეა პირლო კმაყოფილი დარჩა კროტონესთან ნაჩვენები თამაშით.

ბიანკონერიმ ორი წარუმატებელი მატჩის შემდეგ, სერია ა-ს 23 ტურში კრიშტიანო რონალდუს დუბლითა და უინსტონ მაკენის გოლით მეტოქე 3-0 დაამარცხა:

“პირველ წუთებში ბევრი შეცდომა დავუშვით, რომლის მიზეზი ჩვენი მხრიდან სწრაფი გოლის გატანა გახდა. 

ქაოტურად ვმოქმედებდით, თითქოს სადღაც გვეჩქარებოდა და ასეთი რამ დაუშვებელია. მესმის, რომ მათ სწრაფი რეაბილიტირება სურდათ, მაგრამ მეტოქეს ბოძებული შანსები უკეთ რომ გამოეყენებინა, ახლა შესაძლოა რადიკალურად სხვა სურათი გვქონოდა. 

დღეს, ყველაზე მთავარი გახლდათ სამი ქულის მოპოვება და საბედნიეროდ, ბიჭებმა დასახული მიზნის მიღწევა მოახერხეს. 

პორტო? დიდი ბოდიშით მაგრამ შაბათს ვერონასთან გვაქვს დაპირისპირება და შესაბამისად, უმჯობესია კონცენტრირება სერია ა-ზე მოვახდინოთ. 

მითუმეტეს აღნიშნულ მატჩს მორიგი დანაკლისით ვხვდებით.. დაცვაში ისედაც საკადრო პრობლემები გვაწუხებს და ახლა ამ დანაკლის დანილოც შეუერთდა, რომელიც დისკვალიფიცირებულია. შესაბამისად მოგვიწევს რაიმე სიახლე მოვიფიქროთ და მეტოქეს საუკეთესო შემადგენლობით დავუპირისპირდეთ.

რატომ ვყიროდი პირველ ტაიმში როდრიგო ბენტანკურს გვარს ყველაზე ხშირად? საქმე იმაშია, რომ თამაშის სცენარიდან გამომდინარე ურუგვაელი ყველაზე ხშირად მარტო იმყოფებოდა.. შესაბამისად, მოთამაშეებს დაცვიდან ამოსვლისას სწორედ მისი გამოყენება მართებდათ.

პრობლემები შეტევაში? ალვარო მორატა თავს კარგად არ გრძნობს. მას მცირე დრო ესაჭიროება და დღეისათვის ყველაფერი წარმატებით ვითარდება. მის არყოფნაში ამ პოზიციაზე დეიან კულუსევსკის ვამწესებ, რომელიც ნომინალურად სხვა ტიპის მოთამაშეა. 

გამომდინარე იმ ფაქტიდან, რომ დღეისათვის არ არის შემადგენლობაში ისეთი მოთამაშე, რომელიც ცენტრიდან შეტევას უზრუნველყოფდა, იძულებულები ვართ უფრო ფლანგებისკენ გადავწიოთ და კრიშტიანო რონალდუ ასეთი ხერხით დავტვირთოთ. 

კულუსევსკი? გავიწყდებათ რომ პარმა და იუვენტუსი სხვადასხვა საფეხურია. პარმა ძირითადად თავს იცავდა და კონტრშეტევებზე, შესაძლოა მოთამაშეებს უფრო მეტი სივრცე ექმნებოდათ. თუმცა, ეს იუვენტუსია და აქ ყველაფერი სხვაგვარად ვითარდება. 

შენს წინააღმდეგ ყველა გუნდი იკეტება და შედეგად მანევრირებისთვის უმცირესი ადგილი გრჩება. ვის არ გაუჭირდება? ამ სტილთან ადაპტაცია გჭირდება და ადაპტაციას შესაბამისი დრო. აქედან გამომდინარე მსგავს ასპექტზე ოდნავადაც არ ვნერვიულობ.

ჩვენ შვედს დაცვაში თამაშსაც ვთხოვთ.. სხვა პოზიციაზეა გამწესებული და ცუდად არ ირჯება..”