კრისტიან რომერო:”დე ლიხტი საუკეთესოა!”

კრისტიან რომერო ატალანტაში საკმაოდ მაღალ დონეზე ასპარეზობს და ბევრს მიაჩნია, რომ მისი გასხვისებით ბიანკონერიმ სერიოზული შეცდომა დაუშვა.

თავად არგენტინელი მადლობას უხდის კლუბს ასეთი გადაწყვეტილებისთვის:

“სიტუაციას დიდხანს განვიხილავდით და ბოლოს ერთხმად მივედით ამ გადაწყვეტილებამდე. 

ტურინში საკმაოდ დიდი კონკურენციაა.. მითუმეტეს გუნდში მატეის დე ლიხტის მოსვლის შემდეგ, პრაქტიკულად წარმოუდგენელი ხდებოდა ძირითადისკენ მიმავალი გზის გაკვალვა.

პირადად ჩემთვის ჰოლანდიელი, მის თანამემამულე ვირჯილ ვან დაიკთან ერთდ, დღეისათვის საუკეთესო უკანახაზელებად მიმაჩნია. 

მომავალი? საფეხბურთო სამყაროში რაიმეს პროგნოზირება რთულია. აქედან გამომდინარე, თუ შენ მართლა გსურს წარმატების მიღწევა ჯობს დღევანდელზე კონცენტრირდე. 

მესმის, რომ დღეს შეიძლება გაქებდნენ.. მაგრამ რა იქნება ხვალ? სულ ერთი შეცდომაა საჭირო, რათა კრიტიკის ობიექტად გადაიქცე.. ასე რომ მოდუნება არ შეიძლება.. სეზონის ბოლოს კი მშვიდ გარემოში ყველაფერი ნათელი გახდება.”