“ყველაფერი ან არაფერი” – იუვენტუსის და Amazon Prime -ს თანამშრომლობა იწყება!

იუვენტუსმა საკუთარ ოფიციალურ გვერდზე დაადასტურა მონაწილეობა პროექტში:”ყველაფერი ან არაფერი”, რომელსაც Amazon Prime წარმოგვიდგენს.

იტალიაში გავრცელებული ცნობების თანახმად, ეს იქნება იდენტურ სტილში როგორც მანჩესტერ სიტის, ტოტენჰემის და ბაიერნის მონაწილეობით გადაღებული სერიები.

კომერციული დირექტორი – ჯორჯო რიჩი მოხარულია ამ ფაქტით და აღნიშნავს, რომ კლუბი მსგავსი ნაბიჯით ყურადღების ცენტრში კიდევ ერთხელ მოექცევა:

“ჩვენი ბრენდის განვითარებისთვის, ეს არის მორიგი წინ გადადგმული ნაბიჯი. Amazon Prime -თან თანამშრომლობა, იდეალურად გამოხატავს ორი დიდი ბრენდის მისწრაფებას, გახდეს უფრო მეტად პოპულარული, კომერციულად საინტერესო და მოიცვას ახალი ლოკაციები. 

მოუთმენლად ველით ვაჩვენოთ მსოფლიოს რეალურად იუვენტუსის ბრენდი რას წარმოადგენს, რამდენს ნიშნავს ყოველი ჩვენთაგანისთვის და რა ფასეულობები გააჩნია. სერიალი “ყველაფერი ან არაფერი” ამ მიზნის მიღწევაში დიდ დახმარებას გაგვიწევს.”