მასიმო ბრიაში:”ფეხბურთელებს მეტი პასუხისმგებლობა მართებთ”

იუვენტუსის ექს ფეხბურთელი მასიმო ბრიაში Tuttomercato -სთან საუბრისას, ბიანკონერის გარშემო არსებულ სიტუაციას შეეხო:

“ტურინელები სირთულეებს ყოველ მატჩში აწყდებიან და ეს სამწუხაროდ ვერონასთანაც დაფიქსირდა.

გასაგებია, რომ მათ მთელი რიგი მოთამაშეები აკლიათ, მაგრამ ის ვინც მწყობრშია საქმეს მეტი პასუხისმგებლობით უნდა ეკიდებოდნენ. ეს ეხება როგორც აარონ რემზის, ასევე ადრიენ რაბიოსაც.

ყველაფერს რომ თავი დავანებოთ, ეს ხომ მათი შანსია მწვრთნელს საკუთარი საჭიროება დაუმტკიცონ? ახლა კი ყველაფერი კრიშტიანო რონალდუს მხრებზე გადადის.

პორტუგალიელი ექსტრა კლასის ფეხბურთელია და იგი არ შეურიგდება არსებულ მდგომარეობას. დამოკიდებულია თუ არა იუვეს მასსზე? დიახ.. მაგრამ მის გარეშე გუნდს ახლა მეტად გაუჭირდება.

თუმცა, ეს იმას არ ნიშნავს, რომ რონალდუს გარდა სხვას ლიდერობა არ შეუძლია. ჯორჯო კიელინი და ჯანლუიჯი ბუფონი ის ფიგურები არიან რომლებსაც დიდი სიტყვა ეთქმით.

არჩევანის ანდრეა პირლოზე შეჩერება იყო აბსოლუტურად გააზრებული. დიახ, ბიუჯეტის კუთხითაც იყო პრობლები, მაგრამ თუ ანდრეა შეძლებს საკუთარი იდეების რეალიზებას, დარწმუნებული ვარ წლების მანძილზე კარგ შოუს ვიხილავთ.”