ანდრეა პირლო:”ინტერი წინ არის, მაგრამ ჩვენ არ ვნებდებით”

იუვენტუსი საკადრო პრობლემებს განიცდის, მაგრამ სპეციასთან შეხვედრაში ანდრეა პირლომ მეორე ტაიმში გაკეთებული ცვლილებების შემდეგ მოახერხა საჭირო სამი ქულის მოპოვება:

“ინერტული სტარტი განპირობებული იყო ელემენტარული გადაღლისგან. მჭიდრო კალენდარმა ყველა გუნდზე ნეგატიურად იმოქმედა, თუმცა ჩვენ ყველა არსებულ ტურნირზე გამოვდივართ, რის გამოც ძალების გადანაწილება რთულია.

შესაძლოა ვინმეს მოეჩვენოს რომ რესურსი სხვებთან შედარებით საკმაო გვაქვს, მაგრამ ასეთ შემთხვევაში უმჯობესია ტრავმირებულთა რაოდენობას შეხედოთ და ყველაფერი ნათელი გახდება.

მატეის დე ლიხტთან დაკავშირებით ახლა ვერაფერს გეტყვით. დეტალური ცნობები მოგვიანებით გახდება ცნობილი. იმედს ვიტოვებ საქმე სერიოზულ ტრავმას არ გვაქვს, რადგან წინ მძიმე დაპირისპირებები გველის. 

ფედერიკო ბერნარდესკის აბსლუტურად ყველაფერი აქვს, რომ მაღალი დონის მცველად ჩამოყალიბდეს. სიჩქარე, ჩაწოდება და ტექნიკური არსენალი. თუმცა, დაცვით ასპექტებში მომატება მატებს. ფედე ბევრს შრომობს და დარწმუნებული ვარ სასურველ შედეგს მალე მივიღებთ.

ალვარო მორატა დიდი დანაკლისია, რადგან მასთან ერთდ შეტევა მეტ მრავალფეროვნას იძენს. შეუძლია სიღრმიდან სივრცის შექმნა, რომელსაც თავადვე ეფექტურად იყენებს. მისი აჩქარებები, შეტევაში მყოფ დანარჩენ ფეხბურთელებს წარმატების შანს უზრდის. 

ესპანელი ახლა იდეალურ კონდიციებში არ არის, მაგრამ მდგომარეობა უმჯობესდება და უბრალოდ მოთმინებით ყოფნა გვმართებს. 

ინტერთან არსებული ჩამორჩენა დიდია, მაგრამ ეს მოტივაციის წყაროდ უნდა გამოვიყენოთ. ისტორიამ გვასწავლა რომ შეუძლებელი არაფერია, მითუმეტეს იუვენტუსისთვის! არასდროს დავნებდებით და მუდამ მაქსიმუმისთვის ვიბრძოლებთ.”