Gazzetta იუვენტუსის საორიენტაციო სასტარტოს აქვეყნებს

Gazzetta იუვენტუსის საორიენტაციო სასტარტო შემადგენლობას აქვეყნებს, რომელიც დღეს ჩვენი დროით 23:45 -ზე რომის ლაციოს დაუპირისპირდება.

ავტორიტეტული მილანური გამომცემლობა ფსონს 4-4-2 კლასიკურ სქემაზე ჩამოდის და შემადგენლობას, სწორედ მასთან ადაპტირებულს გვთავაზობს.

კარს პოლონელი ვოიცეხ შესნი დაიცავს, რომლისთვისაც მიმდინარე სეზონში მე-20 მატჩი გახდება სერია ა-ს გათამაშებაში.

დაცვის მარჯვენა ფლანგზე სასიამოვნო სიახლე უნდა გახდეს კოლუმბიელი ხუან კუადრადოს დაბრუნება. ცენტრალურ ზონაში არსებული საკადრო პრობლემებიდან გამომდინარე მერიჰ დემირალს წესით ალექს სანდრო შეუწყვილდება, ხოლო მარცხენა ფრთაზე მისი თანამემამულე დანილო გაირჯება.

შუახაზში ფედერიკო კიეზა მარჯვენა ფრთაზე იმოქმედებს. სხვათაშორის თავის პირველ ტურინულ სეზონში ახალგაზრდა იტალიელის ანგარიშზე 7 გოლი და 6 საგოლე გადაცემა ფიქსირდება სერია ა-ს 22 შეხვედრაში.

მოედნის ცენტრალურ ზონაში ადრიენ რაბიო და უინსტონ მაკენი მოიაზრებიან. თუმცა, ანდრეა პირლოს თქმით ნიკოლო ფაჯიოლოს ყველა შანსი აქვს მატჩი სასტარტოში დაიწყოს. როგორც ჩანს მილანურ გამომცემლობას საკუთარი მოსაზრება აქვს.

მარცხენა ფრთაზე აარონ რემზის უნდა ველოდოთ.

რაც შეეხება წინა ხაზს. პირლოს თქმით ალვარო მორატა თავს უკეთ გრძნობს, მაგრამ რამდენად ნიშნავს ეს მის 100%-ით ფორმაში ყოფნას? აქედან გამომდინარე სასტარტოში კრიშტიანო რონალდუს მხარდამხარ კვლავინდებურად შვედ დეიან კულუსევსკის ვიხილავთ.

სხვათაშორის ახალგაზრდა შემტევს ბოლო ხანებში კრიტიკოსთა რაოდენობა მოუმრავლდა. სტატისტიკას თუ გადავხედავთ, ეს ყველაფერი ჰაერიდან არ მოდის – 22 შეხვედრაში 3 გოლი და 1 საგოლე გადაცემა.

ობიექტურობისთვის უნდა აღვნიშნოთ, რომ კულუსევსკი განსხვავებულ ამპლუაში უწევს ასპარეზობა, რაც ადაპტაციას საჭიროებს.