ანდრეა პირლო:”ვულოცავ დანილოს და ბერნარდესკის”

ანდრეა პირლო ლაციოსთან მატჩზე საუბრობს და ფეხბურთელებს გაწეული შრომისთვის მადლობას უხდის. მაესტრომ რამდენიმე მათგანი ცალკეც კი გამოყო:

“დანილო და ფედერიკო ბერნარდესკი იყვნენ არაჩვეულებრივები და ვულოცავ მათ ახალ როლში წარმატებულ გამოსვლას. ბრაზილიელმა მოედნის ცენტრში ასპარეზობისას დაგვანახა, რომ კარგი ტექნიკური არსენალი, ცივსისხლიანობა და მოედნის ხედვა გააჩნია.

ფედერიკოსთვის მარცხენა მცველის ამპლუაში ასეთ საპასუხისმგებლო მატჩში მონაწილეობა იოლი არ იყო. არც მისთვის არც რომელიმე სხვა მოთამაშისთვის ეს მარტივი გასეირნება არ გახდებოდა. მაგრამ მან საკუთარი მონაცემების და სხვა მნიშვნელოვანი მახასიათებლების ხარჯზე ფანტასტიკურად იასპარეზა! 

ბერნარდესკის ყველაფერი აქვს, რომ ამ პოზიციაზე ერთ-ერთი საუკეთესო გახდეს, რადგან აქვს გრძელი ფეხები, შესანიშნავი სიჩქარე, ბურთის არაჩვეულებრივი კონტროლი და ზუსტი გადაცემის შესრულების უნარი. 

საკადრო პრობლემები რომ გვქონდა ეს ყველასთვის ნათელია, მაგრამ საბედნიეროდ ფეხბურთელები ბრუნდებიან. კუადრადომ მხოლოდ ერთი საწვრთნელი სესიის ჩატარება მოასწრო, ხოლო არტურმა გუშინ მოედანზე 30 წუთი ივარჯიშა. 

სიტუაცია რთულია, მაგრამ მოთამაშეებს კარგად ესმით რაოდენ მძიმე მდგომარეობაში ვართ და ისინი თანაგუნდელებისთვის მსხვერპლზე მიდიან, რაც შექებას იმსახურებს.

დღევანდელი შეხვედრა 20 წუთიანი დაგვიანებით დავიწყეთ, რაც ძვირად დაგვიჯდებოდა რომ არა გუნდის რეაქცია მიმდინარე სიტუაციაზე. 

მეტოქეს შემადგენლობაში მაღალი დონის მოთამაშეები ყავს, რომლებმაც კარგად იციან დაცვიდან ეფექტურად როგორ ამოვიდნენ და თან ისეთ სიჩქარეზე, რომელიც მოედნის მეორე ნახევარზე კომფორტულ რიცხოვრივ უპირატესობას შეუქმნის. 

ჩვენი შეცდომის შემდეგ გუნდი გონს მოეგო და წნეხის გაზრდა დავიწყეთ, რამაც შედეგი ეტაპობრივად გამოიღო. ბურთის გადაადგილების სიჩქარეც გაიზარდა და ალვარო მორატას დახმარებით სივრცეებსაც ხშირად ვპოულობდით.

ესპანელი ძალიან გვაკლდა.. მისი აფეთქებები არის დამატებითი იარაღი ისეთი გუნდის წინააღმდეგ როგორიც ლაციოა.. გუნდი რომელიც თავისუფალ სივრცეს არ გიტოვებს და ცდილობს მჭიდროდ, ხისტად და აგრესიულად გეთამაშოს.

იმედს ვიტოვებ, რომ უახლოეს პერიოდში მორა უკვე 100%-ით იქნება მზად.. 

არტური არის მოთამაშე რომლის მახასიათებლების მქონე ახლა არავინ გვყავს. ბურთით თუ არის და როგორი წნეხის ქვეშაც არ უნდა ვიმყოფებოდეთ, თანაგუნდელები პოულობენ პოზიციას რითაც დაცვიდან ამოსვლასაც ვახერხებთ და პრესპექტივაში შეტევის განვითარებაც გამოდის. 

ახლა მთავარია პორტოსთან მატჩისთვის ბრაზილიელის გამოყენება მოვახერხოთ. ჩვენი თამაშისთვის მისი მონაცემები ამ შეხვედრაში ძალიან წაგვადგებოდა.

პორტო? საბედნიეროდ ორი დღე მაქვს რათა ამ დაპირისპირებისთვის სათანადოდ მოვემზადო. ჩემპიონთა ლიგა რომ სხვა ტურნირია ყველამ კარგად ვიცით და იგი განსხვავებულ მიდგომას საჭიროებს. მითუმეტეს პირველი 90 წუთის შემდეგ ჩვენ ახლა კონკრეტული მისია გაგვაჩნია თუ მომდევნო ეტაპზე გასვლა გვსურს.

დეიან კულუსევსკი? 20 წლის ბიჭი იუვენტუსში რომ წნეხის ქვეშ იქნება მემგონი ყველანი ვთანხმდებით. შეცდომები პროგრესირებისთვის ბუნებრივი რამ არის. იგი ამ მატჩშიც ნაყოფიერად მოქმედებდა და ამ მხრივ ნერვიულობა არ ღირს.”