ანდრეა პირლო:”ზუსტად ვიცი რა პროექტი მაქვს და სად მივდივართ”

იუვენტუსი პორტოსთან საპასუხო მატჩისთვის ემზადება. პირველ შეხვედრაში დაფიქსირებული შედეგიდან გამომდინარე, ბიანკონერის უფრო შემტევ სტილში მართებს თამაში, რადგან მინიმუმ ერთი ბურთი აქვს გასატანი, რათა მომდევნო ეტაპზე ასპარეზობის უფლება მოიპოვოს.

თუმცა, ანდრეა პირლოს გუნდს დაცვის ხაზში ყველაფერი რიგზე არა აქვს:

“მატეის დე ლიხტი სავარჯიშო მოედანზე გამოვიდა, მაგრამ განცალკევებით ვარჯიშობდა. ამიტომ მისი ასპარეზობა პორტოსთან ნაკლებ მოსალოდნელია.

ჯორჯო კიელინი საპირისპიროდ, კარგად გრძნობს თავს და თუ გართულებები არ იქნება, მეტი შანსი აქვს ამ მატჩში მონაწილეობის მისაღებად. 

ურთულეს დაპირისპირებას ველოდებით, რადგან მეტოქე უკანახაზში თავს მშვენივრად იცავს და მჭიდროდ მოთამაშე ორ ზოლიანი ზღუდის გარღვევა დიდ ოფლისღვრას საჭიროებს. ვალდებულები ვართ მეტად ტექნიკურად და ცივსისხლიანად ვიმოქმედოთ.

ყველანი უკეთ გრძნობენ თავს, მაგრამ ჯერ კიდევ საკმაო რაოდენობის მოთამაშეა რომლებიც 100%-ით მზად არ არიან. იგივე ითქმის არტურ მელოზე.. იმედს ვიტოვებთ, რომ მინდორზე გარკვეულ ხანს გაატარებს, მსგავსად უინსტონ მაკენისა. ამერიკელს ბარძაყის არეში დისკომფორტი ჯერ კიდევ აქვს, მაგრამ სიტუაციიდან გამომდინარე ყველას გვიწევს მსხვერპლის გაღება.

ალვარო მორატა პროგრესირებს მან იცის რა ასპექტებში ჭირდება მომატება და ყველაზე მეტად რაც მისი თვისებებიდან მომწონს, არის ის ფაქტი რომ ყოველი შეხვედრის წინ მეტოქეს დეტალურად სწავლობს.. რათა სუსტი მხარეები იპოვოს და ის საკუთარი გუნდის სასარგებლოდ გამოიყენოს.

ეს 100%-ით კრიშტიანო რონალდუს მატჩია. ასეთი კარიერაში უამრავი ქონია და თავს ყოველთვის საუკეთესო კუთხით იჩენს. გასული კვირის განმავლობაში სპეციალური პროგრამით ვარჯიშობდა. თავს კარგად გრძნობს და მზად არის გუნდის წარმატებაში წვლილის შესატანად.

ზაფხულში, ჯერ კიდევ შვებულების პერიოდში ფედერიკო ბერნარდესკის შევხვდი და ხანგრძლივი საუბარი გვქონდა. მაშინვე ვუთხარი, რომ მისი მარცხენა მცველად გამოყენება მსურდა. ფედეს ბევრი არ უფიქრია და დამეთანხმა. 

თუმცა, სიტუაციიდან გამომდინარე ამ ყველაფრის საქმეში ხილვა ვერ მოვასწარით. ახლა სიტუაცია შეიცვალა და მას ყველაფერი აქვს იმისათვის, რათა ამ პოზიციაზე ერთ-ერთი საუკეთესო გახდეს. დიახ, ხვალინდელ შეხვედრაში დიდი ალბათობით სასტარტოში იქნება.

მესმის რომ ეს მნიშვნელოვანი შეხვედრაა, მაგრამ აქ მუშაობას არაფრის დიდებით არ დავთანხმდებოდი თუ ყველაფერი ერთ მატჩში გადაწყდებოდა. გადაწყვეტილებას ჩემს დარჩენა არ დარჩენასთან დაკავშირებით ხელმძღვანელობა ღებულობს. ზუსტად ვიცი რა პროექტი მაქვს, როგორ უნდა განვითარდეს და რა შედეგამდე მივიდეს. 

კარგად გაავანალიზეთ შეცდომები, რომლებიც ორიოდე კვირის წინ დავუშვით. პორტოს მიმართ პატივისცემა უნდა შევინარჩუნოთ, მაგრამ შემდეგ ეტაპზე გასვლის გვწამდეს.”