იუვენტუსის სავარაუდო სასტარტო შემადგენლობა

იუვენტუსი პორტოსთან მატჩისთვის ბოლო მზადებას გადის. სხვადასხვა იტალიური გამომცემლობა თითქმის იდენტურ საორიენტაციო სასტარტო შემადგენლობას აქვეყნებს, რომელიც პორტუგალიურ გუნდს დაუპირისპირდება.

ტაქტიკური სქემა არ იცვლება – კლასიკური 4-4-2 რომელიც ჰიბრიდული ხასიათისაა და მატჩის მიმდინარეობისას იცვლება როგორც 3-5-2 ზე, ასევე 5-3-2 -ზე..

კარს ვოიცეხ შესნი დაიცავს.

დაცვის მარჯვენა ფლანგზე ხუან კუადრადო იასპარეზებს, ხოლო საპირისპირო ფრთაზე ალექს სანდრო დადგება.

დაცვის ცენტრალური დუეტი წესით და რიგით ლეონარდო ბონუჩიმ და ჯორჯო კიელინიმ უნდა შეადგინონ, რომლებიც ხანგრძლივი პაუზის შემდეგ სასტარტოში დაბრუნდებიან.

ნახევარდაცვის მარჯვენა ფლანგზე უინსტონ მაკენი გაირჯება, ხოლო მარცხნივ ფედერიკო კიეზა. პრინციპში ესეც პირობითია, რადგან თამაშის სცენარიდან გამომდინარე მოთამაშეები ფლანგებს ხშირად ცვლიან.

ცენტრალურ ზონაში ადრიენ რაბიოს პარტნიორობას არტურ მელო გაუწევს, რომლის დაბრუნებას ანდრეა პირლო მოუთმენად ელოდა. მართალია სამხრეთ ამერიკელი შორს არის იდეალური კონდიციებისგან, მაგრამ იუვესთვის ის საკვანძო ფიგურაა შუახაზში შესაბამისი თამაშის საჩვენებლად.

თავდასხმის ხაზში მოულოდნელობას არ უნდა ველოდოთ. პაულო დიბალა ტრავმირებულია, დეიან კულუსევსკი არასასურველ ფორმაშია. შესაბამისად ალვარო მორატა და კრიშტიანო რონალდუ პორტოს პირველსავე წუთებიდან დაემუქრებიან.