პირლო:”ჩემი პროექტი რამდენიმე წელზეა გათვლილი”

ანდრეა პირლოს განცხდებით მისმა გუნდმა ჩემპიონთა ლიგის 1/8 ფინალურ დაპირისპირებაში პორტოს წინააღმდეგ, ჯამში ორ შეხვედრაში 4 შეცდომა დაუშვა:

“ეს სრულებით ნორმალურია, როდესაც შენ ასეთ ტურნირზე მხოლოდ 4 არასწორ მოქმედებას ასრულებ.. არის შემთხვევები, როდესაც ამდენი შეცდომის შემდეგ, შენ მაინც ახერხებ მომდევნო ეტაპზე ასპარეზობას.

რიცხობრივი უპირატესობის დროს, ბურთის გადაადგილების სიჩქარე უნდა გაგვეზარდა, რისი უზრუნველყოფაც მოვახერხეთ.. მეტოქე 5-6 მცველით იცავდა თავს, შესაბამისად დაცვის ზოლის გაშლისთვის დიდი ძალებით გადავდიოდით და ფლანგებზე ღრმად ვმოქმედებდით.

ამ ყველაფერმა ლოგიკური შედეგი გამოიღო.. ვერტიკალური ფეხბურთი სწრაფ ტემპში მიდიოდა და მეტოქის საჯარიმოში საჭირო სივრცეები ჩნდებოდა.

თამაში კარგად დავიწყეთ და ალვარო მორატას ანგარიშის გასახსნელად იდეალური მომენტი ქონდა. ამის შემდგომ დაცვაში უხეში შეცდომა დავუშვით და მეტოქეს წინ გასვლის საშუალება მივეცით.

მეორე 45 წუთში ზუსტად ის ფეხბურთი ვაჩვენეთ რაც გვსურდა.. შედეგად ორი გოლი გავიტანეთ, მაგრამ მომენტები უკეთ რომ გამოგვეყენებინა ყველაფერი საწყის 90 წუთში დასრულდებოდა.

ნამდვილად არ ვიცი მაურისიო სარის კარისკენ რის გამო მიუთითეს. ზუსტად ვიცი აქ რისთვის ვარ, რადგან ჩემი პროექტი რამდენიმე წელზეა გათვლილი. 

არ არის იოლი და სასიამოვნო ასეთი მჭიდრო გრაფიკი, მაგრამ ასეთია დღევანდელი რეალობა რომელთანაც ადაპტაცია გვიწევს. 

თავს მშვიდად ვგრძნობ და ახლა დროა შიდა პირველობაზე მოვახდინოთ კონცენტრირება. სკუდეტო მთავარ მიზნად უნდა დავისახოთ და მაქსიმალური ქულათა რაოდენობას მოვუყაროთ თავი. მწამს, რომ ჩემპიონობისთვის ბრძოლა ჯერ არ დასრულებულა და მის მოსაგებად ყველაფერს დავდებთ.”