ბიაზინი:”ხელმძღვანელობამ არასწორი ნაბიჯები გადადგა”

Libero -ს ჟურნალისტი ფაბრიციო ბიაზინი Calciomercato -სთან პირდაპირ ეთერში საუბრისას, ბიანკონერის სიტუაციაზე ისაუბრა:

“საერთოდ ვერ ამიხსნია, როგორ შეიძლება მიზანმიმართულად თქვა ნახევარდაცვის დაკომპლექტებაზე უარი, ისეთმა გუნდმა როგორიც იუვენტუსია.. 

ტურინელები ერთხმად აღნიშნავდნენ, რომ ყველა ფრონტზე მოსაგებად ასპარეზობენ და ამ დროს შუახაზში ნამდვილი კატასტროფა აქვთ!

ნუთუ ეს საკითხი არავის აინტერესებს? პაველ ნედვედმა და ფაბიო პარატიჩიმ ბევრი კითხვის ნიშნის მქონე მოთამაშეები მარტო იმიტომ დაიმატეს, რომ მათი ღირებულება 0 ევრო ან ისეთი იყო, რომელიც პოტენციალზე გათვლილი უფროა ვიდრე რეალურ გაძლიერებაზე. 

ასე რომ პრობლემები რაც ახლა გუნდს თავს დაატყდა, არის ხელმძღვანელობის არასწორი გათვლების შედეგი. მაქს ალეგრიზე უარის თქმა, ამ ყველაფრის დასტურია.. პირადად მე ტოსკანელი საუკეთესო ვარიანტი მიმაჩნია, ვინც ახლა არის შესაძლებელი.”