ფეხბურთელების შეფასებები

იუვენტუსმა კალიარი სტუმრად 1-3 დაამარცხა და ჩემპიონთა ლიგაზე განცდილი ფიასკოს შემდეგ, ოდნავ პოზიტიური განწყობა შეიქმნა.

გთავაზობთ La Stampa -ს მიერ გამოქვეყნებულ შეფასებებს:

შესნი – 6 – სიმეონეს გოლზე ვერაფერს ახერხებს, მაგრამ დუნკანის საჯარიმოზე და სხვა სახიფათო ეპიზოდზე კარგად მოქმედებს.

კუადრადო – 5.5 – ტრავმის შემდეგ სასურველ კონდიციებში ჯერ არ შესულა. აგვიანებს დაცვაშიც და ნაკლებად ეფექტურია შეტევაში.

დე ლიხტი – 6 – ბევრჯერ დაჯარიმდა.. შეტევაში კარგია, მაგრამ უკანახაზში მცირე კონცენტრირების დაკარგვა იგრძნობოდა.

კიელინი – 6.5 – როდესაც ჯორჯო ფორმაშია იგი შეუდარებელია. აბსოლუტურად დომინირებდა საკუთარ მეტოქეზე და ამას ყოველგვარი ზედმეტი დაძაბულობის გარეშე ახერხებდა.

ბონუჩი – 69 წუთიდან – 6 – მომენტალურად შეეძლო მეოთხე ბურთის გაფორმება. სტაბილური და საიმედოა.

ალექს სანდრო – 6 – საკმარისი ითამაშა, რომ ქულა დაეგროვებინა. იმედი ვიქონიოთ ტრავმა სერიოზული არ არის.

ბერნარდესკი – 32 წუთიდან – 6.5 – ბოლო ხანებში იტალიელმა მნიშვნელოვანი პროგრესი განახორციელა. კარგად მოქმედებს მარცხენა ფლანგზე. გოლი დაცვის არასწორი ქმედების შედეგია და არა ერთი კონკრეტული მოთამაშის.

კულუსევსკი – 6.5 – შვედმა ბევრად ნაყოფიერი თამაში აჩვენა. არაერთი კარგი დრიბლინგი და საინტერესო იდეები შეტევის განსავითრებლად.

დანილო – 7 – ნამდვილი უნივერსალი დღევანდელი იუვენტუსისთვის. იწყებს როგორც რეჯისტა და ამთავრებს მარჯვენა მცველის პოზიციაზე. მოედნის ცენტრში პირველ ნახევარში საკმაოდ გააზრებული ფეხბურთი აჩვენა. ჩაჭრები, ართმევა, ამოტანა და პრესინგის ქვეშ საიმედო მოქმედებები. ბრავო!

რაბიო – 6.5 – ფრანგი ბოლო ხანებში გაცილებით სტაბილური გახდა და ეს აღსანიშნავი ფაქტია.

კიეზა – 6.5 – როდესაც აჩქარებას აკეთებს, მისი ყურება საინტერესო ხდება და მცველებისთვის პრობლემების შექმნელი. თუმცა, ამ შეხვედრაში ისეთივე ცივსისხლიანი და აგრესიული არ ყოფილა.

რონალდუ – 8.5 – კრიტიკოსებს სამი გატანილი გოლით უპასუხა. ზუსტი, ცივსისხლიანი და კონცენტრირებული. მისმა შედეგიანმა თამაშმა სამი ქულა მოიტანა. შეეძლო პოკერის შესრულება, მაგრამ მატჩის მიწურულს მომენტი ქარს გაატანა.

მორატა – 5 – ლაციოს შემდეგ თითქოს კონცენტრირება დაკარგა.. გეგონება პრობლემები აქვს და თამაშის დროს პერიოდულად ახსენდება, რომლის გამოც მომენტს ანიავებს და არაზუსტ გადაცემებს ახორციელებს.

მაკენი – 69 წუთიდან – 6.5 – გამოდის და გუნდს ყველა შესაძლო სიტუაციაში დახმარების ხელს უწვდის.