სატრანსფერო აურზაური – ბოლო 24 საათის მთავარი სიახლეები

სატრანსფერო სიახლეები

• დიბალა

• მორატა

• რაბიო

Gazzetta იუვენტუსის წინა ხაზზე კონცენტრირდება და საინტერესო სიახლეებს გვიზიარებს.

არ არის გამორიცხული იუვენტუსმა უარი თქვას ალვარო მორატას გამოსყიდვაზე, რომელიც ბიანკონერის ჯამში 40 მილიონზე მეტი დაუჯდება.

კიდევ ერთხელ ამოტივტივდა არკადიუშ მილიკის გვარი, რომელსაც ტურინს უკვე წლებია უკავშირებენ.

ოლიმპიკთან შეთანხმების საფუძველზე მის კონტრაქტში არის პუნქტი, რომლის თანახმადაც თუ ოლიმპიკი ვერ გაინაღდეს ჩემპიონთა ლიგაზე ასპარეზობის უფლებას, მაშინ პოლონელი კლუბს 12 მილიონად დატოვებს.

ტურინელები მზად არიან ამ პუნქტის ამოქმედებისთვის თუ რა თქმა უნდა ყველაფერი ისე განვითარდა, როგორც ამას იტალიელები ელიან.

პაულო დიბალას საკითხი სერიოზულ პრობლემად ყალიბდება, რადგან მხარეებს შორის კომუნიკაცია საერთოდ აღარ მიმდინარეობს. დღეისათვის გუნდი მის დაბრუნებას მოუთმენლად ელის..

ბოლო ცნობებით დიბალას აგენტს იუვენტუსი აპრილის ბოლოს დაუკავშირდება და თუ მხარეებმა საერთო ენა გამონახეს, მაშინ კონტრაქტი გახანგრძლივდება.. წინააღმდეგ შემთხვევაში პაულო კლუბს ივნისშივე დატოვებს და მისით არაერთი გრანდია დაინტერესებული.

დუგლას კოშტას მომავალი იუვენტუსსთან არ ასოცირდება. ფეხბურთელს დიბალას მსგავსად კონტრაქტი 2022 წლის ივნისში ეწურება და ბაიერნი მის გამოსყიდვას არ აპირებს.

არის ვარიანტი გრემიოსთან, მაგრამ მოთამაშის ანაზღაურება რომელიც სეზონში 6 მილიონს შეადგენს, დიდ პრობლემებს ქმნის.

და ბოლოს ადრიენ რაბიო.. ბოლო ხანებში ფეხბურთელით ტოპები დაინტერესდნენ, რომელთა სიაში მანჩესტერ სიტი და ბარსელონაც შედიან.

კაპიტალის ზრდის თვალსაზრისით, ეს საკმაოდ მიმზიდველი შესაძლებლობაა და იუვენტუსი სიტუაციით სარგებლობს არ გამორიცხავს. მთავარია ბიანკონერის მაგიდაზე რა შეთავაზება ექნება..