ანდრეა პირლო:”დღევანდელ დღეს ასეთი ქმედება დაუშვებელია”

დაგვიბრუნდა საკლუბო ფეხბურთი და იუვენტუსი სანაკრებო პაუზის შემდეგ ტურინულ დერბიში მიიღებს მონაწილეობას.

აღნიშნულ მატჩს ბიანკონერი საკადრო პრობლემებითაც ხვდება და ამ ყოველივეს უინსტონ მაკენის სახლში მომხდარი ინციდენტიც დაემატა.

გთავაზობთ ანდრეა პირლოს წინასამატჩო პრესკონფერენციას:

“ყველაფერი მესმის, მაგრამ როდესაც ქვეყნის მასშტაბით მთელი რიგი რეგულაციებია, მსგავსი საღამოების მოწყობა მართებული არ არის.

სამივე მოთამაშე (დიბალა, მაკენი და არტური) განაცხადს მიღმა რჩება და თუ როდის დაუბრუნდებიან საქმიანობას, ამას კლუბი მოგვიანებით შეგატყობინებთ.

რაც შეეხება სეზონს და მიზნებს, იგი უცვლელი რჩება. თითოეულ დაპირისპირებაში გამარჯვების მოპოვება. ყურადღება ყოველ მომდევნო შეხვედრაზე ვახორციელებთ და მხოლოდ სეზონის დასრულების შემდეგ შევხედავთ რისი მიღწევა შევძელით.

მესმის, რომ შედეგი უმნიშვნელოვანესია.. როცა გაქვს 10 მატჩი და ათივეში მარცხდები, ბუნებრივია სახლში უნდა წახვიდე. ტურინული დერბი იოლი არასდროს ყოფილა.. აქ ყველა ბოლომდე იხარჯება და მითუმეტეს ხარები ახლა რთულ მდგომარეობაში იმყოფებიან და ეს 90 წუთი მათთვის შესაძლოა იმპულსიც კი გახდეს.

ალექს სანდრო თავს კარგად გრძნობს. მას ქონდა მშვიდად მუშაობის საშუალება და ბრაზილიელი კარგ კონდიციებშია. 

ფედერიკო ბერნარდესკიზე არაერთხელ განვაცხადე, რომ იტალიელს მარცხენა მცველადაც ძალუძს და ფლანგელ ფორვარდადაც ასპარეზობა. 

ჯორჯო კიელინის გამო რობერტო მანჩინის მადლობა მინდა გადავუხადო. ხელოვნურ სტადიონზე ჯორჯოს თამაში ჩართვა საჭიროდ არ ჩათვალეს, რითაც მის კონდიციებს ზედმეტი საფერთხე აღარ შეექმნა.

ჯანლუიჯი ბუფონის დისკვალიფიკაციამ გული დაგწყვიტა. ვოიცეხ შესნის მდგომარეობა ფასდება და თუ პოლონელმა თამაში ვერ შეძლო მაშინ კარს კარლო პინსოლიო დაიცავს.”