ტურინში ქაოსია – პრეზიდენტობის კანდიდატთა სია იზრდება

ტურინში არსებული სიტუაცია საკმაოდ მძიმეა. სუპერ ლიგის ჩამოშლამ ყველაზე მეტად ანდრეა ანიელის რეპუტაციაზე მოახდინა ცუდი ზეგავლენა და შედეგად მის წასვლაზე სულ უფრო აქტიურად იწერება.

იტალიური მედია მის შესაძლო შემცვლელებს უკვე ასახელებს და პირველ რიგში ეს ალესანდრო ნასი გახლავთ, რომელიც ბოლო ხანებში წარმატებულად მიიწევს წინ. ნასი ოჯახის წევრია და მისი კანდიდატურა ბუნებრივად გამოიყურება.

თუმცა, ალესანდრო ერთადერთი არ არის ვისზეც საუბრობენ.. ეველინა კრისტილინი კიდევ ერთი ფიგურაა, რომელიც ფიფას მმართველ საბჭოში ხელმეორედ აირჩიეს. იგი საერთაშორისო დონეზე დიალოგის თვალსაზრისით, არეულ სიტუაცია იოლად დაალაგებდა.

მესამე კანდიდატურა ბოლო ხანებში გამოჩნდა.. მარჩელო ლიპი რომელიც მძიმე წუთებში უდაოდ შეძლებდა სათანადო ჰარმონიის მოტანას კლუბისთვის, რომელიც მაესტროსთვის უცხო ნამდვილად არ არის.

მთელ ამ ქაოსში, არ უნდა დაგვავიწყდეს ის გარემოებაც, რომ იუვენტუსი საფონდო ბირჟაზე რთულ პერიოდს გადის.. კლუბის აქციები ვარდნას განაგრძობს.. უეფასთან და ფიფასთან კომუნიკაცია ისტორიულ მინიმუმზეა. ეს არ მოქმედებს კლუბზე დადებითად და მხარეებს რაღაც გადაწყვეტილების მიღება მოუწევთ.

ანიელი ევროპული კლუბების ასოციაციის პრეზიდენტის პოსტიდან გადააყენეს, რომელიც პსჟ-ს პრეზიდენტმა დაიკავა.. მის მიმართ ნეგატიურ კომენტარებს საფეხბურთო სამყარო არ ერიდება და აქედან გამომდინარე, კლუბის მმართველები სხვადასხვა ვარიანტს აქტიურად განიხილავენ.

სეზონის ბოლოს ტურინში დიდ ცვლილებებს უნდა ველოდოთ.

P.S. სხვადასხვა გავლენიანი წყაროს ცნობით, ჯონ ელკანს ანიელის განთავისუფლება გადაწყვეტილი აქვს. მას ჯერ კიდევ ვერ მოუნელებია მომხდარი.

აქვე აღსანიშნავია, რომ ანიელის გარდა საკუთარ თანამდებობებს ფაბიო პარატიჩი და პაველ ნედვედიც დაემშვიდობებიან.