იტალიური მედია:”სიტუაცია უკიდურესად დაიძაბა”

ტურინში ტემპერატურა არნახულად მომატებულია. ცალკე სუპერლიგის ჩავარდნის და სხვადასხვა მხრიდან გაზრდილი ზეწოლის ფონზე, გუნდი ვერ ახერხებს სტაბილურობას შენარჩუნებას და ქულების დაკარგვას მოუხშირა.

სიტუაცია იმდენად დაიძაბა, რომ სატურნირო ცხრილში ბიანკონერი მეოთხე-მეხუთე ადგილებს იყოფს..

არსებობს საშიშროება, რომ არასტაბილური ასპარეზობის ფონზე იუვე ჩემპიონთა ლიგის ზონის მიღმა დარჩეს და ამიტომაც ხელმძღვანელობა რადიკალური ნაბიჯების გადადგმას გეგმავს.

ანდრეა პირლოს ტურინული კარიერა დასასრულს უახლოვდება და მასმედიის მტკიცებით, მისი მომავალი უკვე გადაწყვეტილია.. გავა იუვე ოთხეულში თუ ვერა, მაესტროს კარისკენ მაინც მიუთითებენ.

თუმცა, თუ უდინეში კლუბმა სასურველ შედეგს ვერ მიაღწია, მაშინ მას თანამდებობის დატოვება ვადაზე ადრე მოუხდება, ხოლო მის ნაცვლად სეზონის დასრულებამდე გუნდს იგორ ტუდორი უთავკაცებს.

ტუტოსპორტი და კალჩომერკატო პარალელურად ერთხმად აღნიშნავენ, რომ იუვენტუსის მომავალი მთავარი მწვრთნელი მაქს ალეგრი იქნება.