იტალიური მედია:”ეპოქის დასასრული – ვინ შეეწირება? სია იზრდება”

იუვენტუსმა მილანთან უმნიშვნელოვანესი მატჩი დათმო და იტალიურმა მედიამ სრული ამ სიტყვის პირდაპირი მნიშვნელობით, ტურინელებს “დაკრძალვა” მოუწყვეს.

კლუბში ძალიან ბევრი პრობლემა სუფევს, მაგრამ თუ გუნდი აგებს პირველი ვისკენაც ხელს იშვერენ და თანამდებობას ატოვებინებენ არის მთავარი მწვრთნელი.

ანდრეა პირლო უდაოდ არ არის ის პიროვნება, რომელსაც ცალსახად უნდა დავაბრალოთ მთელი ეს კატასტროფა, მაგრამ მისი წვლილიც სახეზეა.

რა იქნება ტურინში? ჯონ ელკანი ანდრეა ანიელის გვერდით იჯდა და ეს გარკვეულწილად საინტერესო შეტყობინებას იძლევა..

ფაქტია, რომ კლუბში დიდი ცვლილებებია საჭირო.. დასრულდა თუ არა ანიელის ციკლი ამას მალე გავიგებთ, მაგრამ ყველაზე მნიშვნელოვანი არის სიახლეები რომელიც მაესტროს ეხება.

უახლოეს საათებში შესაძლოა პირლოს დაკავებული თანამდებობა დაატოვებინონ. ამ ეტაპზე დიდი გვარზე საუბარი არ მიდის და შესაბამისად, სეზონის ბოლომდე ფეხბურთელებს იგორ ტუდორი გაუძღვება.

ჩვენ უკვე შემოგთავაზეთ ინფორმაცია თუ რა ფინანსური დანაკარგი ელოდება გუნდს, თუ მან ჩემპიონთა ლიგის საგზური ვერ მოიპოვა.. ორიოდე კვირის წინ საქმე კი გამოიყურებოდა რთულად, მაგრამ ყოველ ჩვენთაგანს გულზე ხელი რომ დავიდოთ ძნელად წარმოგვედგინა ასეთი სცენარი..

ახლა კი როცა ჩემპიონატის დასრულებამდე სამი ტურია დარჩენილი, მილანმაც გადაგვასწრო და თან ისე, რომ ეს მარცხი თავის კვალს აუცილებლად დატოვებს.. ნაპოლიც ფორმაში შევიდა.. ატალანტა ტემპის დაგდებას არც ფიქრობს.. გასპერინის ბიჭები ყოველ თამაში შოუს აწყობენ და მეტოქეს 4-5 ბურთს “უბაბანებენ”..

მძიმე სიტუაციაშია კლუბი.. დანაკარგი იქნება სერიოზული და ეს კატასტროფულად იმოქმედებს სატრანსფერო პოლიტიკაზე, რომელიც ამ ეტაპზე შეჩერებულია.. მიზეზი მარტივია – გადასაწყვეტი იყო იუვეს მომავალი თავკაცის ბედი, რომელიც ანდრეა პირლო ნამდვილად არ იქნება..

ცუდ დღეში აქვს საქმე ფაბიო პარატიჩისაც, რომელსაც ბიანკონერისთან კონტრაქტიც ეწურება და ისედაც მასსზე კარგს არაფერს ამბობენ.. უფრო და უფრო იწევს ზემოთ ჯუზეპე მაროტას ფიგურა და თავში ხელის რტყმა ეს რა კაცი გავუშვითო..

კრიშტიანო რონალდუს მომავალი ასევე ბურუსშია გახვეული.. პორტუგალიელს წასვლა სურს, მაგრამ სად როგორ ეს მოგვიანებით გაირკვევა.. პაულო დიბალამ გუშინდელ თამაში დიდი დრო სათადარიგოთა სკამზე გაატარა.. მის კონტრაქტზე აბსოლუტური გაურკვევლობაა, რომელიც პარატიჩიმ ვერა და ვერ გადაწყვიტა.. საბოლოო ჯამში საქმე იქამდე მივიდა, რომ ეს კაპიტალი შესაძლოა საერთოდ უფასოდ დაიკარგოს..