ახალი ფორვარდი, პანდემია და გაუგებრობა რონალდუსთან მიმართებაში

უკანასკნელი 24 საათის განმავლობაში გაბრიელ ჯესუსის თაობაზე იტალიურ მედიაში, ერთბაშად რამდენიმე ინფორმაცია გამოქვეყნდა.

როგორც ირკვევა ბრაზილიელი მანჩესტერ სიტისთან დამშვიდობებას გეგმავს და ბიანკონერისთვის ეს შესაძლოა კარგ ვარიანტად შედგეს.

თუმცა, აქ ისევ და ისევ ბევრი რამ არის კრიშტიანო რონალდუს გადაწყვეტილებაზე დამოკიდებული.

სხვათაშორის პორტუგალიელის აგენტი ჟორჟ მენდეში უკვე ესაუბრა რეალის, მანჩესტერის და პსჟ-ს წარმომადგენლებს. მას სურდა გაეგო, ხომ არ იყო რომელიმე მათგანი კრიშტიანოთი დაინტერესებული..

ინტერესი არის, მაგრამ ფინანსური ასპექტი არ იძლევა მოქმედებაზე გადასვლის საშუალებას.. რონალდუ თავის მხრივ ალეგრის ესაუბრა და გადაწყვეტილებას დარჩენა/წასვლასთან დაკავშირებით ევროპის ჩემპიონატის შემდეგ მიიღებს.

ჯესუსთან მიმართებაში ეს იმით არის მნიშვნელოვანი, რომ შეტევაში ნებისმიერი ცვლილება პორტუგალიელის გადაწყვეტილებაზეა..

ფორვარდი რომ საჭიროა ამაში არავინ დაობს, მაგრამ ერთია მოიყვანო ფეხბურთელი რონალდუს კონკურენციაში და მეორეა, როდესაც ასეთი ფიგურა მიდის და ეს ზონა თავიდან არის დასაკომპლექტებელი..

კვლავინდებურად რჩებიან ჰორიზონტზე დუშან ვლაჰოვიჩი, ედინ ჯეკო და მაურო იკარდი.. თუმცა, სატრანსფერო თემებში ყველაფერი იმდენად მდორედ მიდის ფინანსური სიტუაციიდან გამომდინარე, რომ შესაძლოა პროცესი მნიშვნელოვნად გაიწელოს.

ვლაჰოვიჩზე სხვათაშორის იებს იმდენად გაუტკბათ ინტერესი, რომ მაქსიმალურად ცდილობენ ფეხბურთელი ზეცაში აიყვანონ:

“კონტრაქტი სულ რომ არ გაახანგრძლივოს მაინც ჩვენთან დარჩება! ახლა მისი ღირებულება 40-50 მილიონს უტოლდება, მაგრამ მალე ეს ფასი 90 მილიონზე ავა!”