ჯოვანი გალეონე:”ალეგრი მის გამო ტირილს არ დაიწყებს”

ჯოვანი გალეონე მაქს ალეგრის ყოფილი დამრიგებელი კრიშტიანო რონალდუს საკითხზე საუბრობს, რომელმაც შესაძლოა ტურინი მართლაც დატოვოს:

“მაქს მასთან არანაირი პრობლემა არა აქვს და ჩემი ინფორმაციით, ისინი ერთმანეთს უკვე ესაუბრნენ.

ალეგრი ძალით არავის დააკავებს და თუ რონი დარჩება, ბუნებრივია ამის წინააღმდეგი არავინ იქნება.. მაგრამ წასვლის შემთხვევაში, მერწმუნეთ მაქსი ტირილს არ დაიწყებს.

გაბრიელ ჯესუსი? ვფიქრობ, სწორი პროფილის მქონე მოთამაშე დუშან ვლავოჰივიჩია, რომელსაც სხვადასხვა ამპლუაში გამოყენების რესურსი გააჩნია. 

მაურო იკარდი? ინტერში ბრწყინავდა.. ნახევარ მომენტსაც გოლად ქმნიდა.. პსჟ-ში რადიკალურად სხვა სურათია და აქედან გამომდინარე, ახლა რაიმეზე მსჯელობა რთულია.”