კალჩიოპოლი : დელ პიერო სასამართლოს წინაშე წარსდგა

დღეს ნეაპოლურ სასამართლოში სადაც კალჩიოპოლის საქმის გადახედვა მიმდინარეობს ალესანდრო  დელ პიერო გამოჩნდა . ბიანკონერის კაპიტანი დაცვის მხარის – ლუჩიანო მოჯის ადვოკატების მიერ იქნა გამოძახებული ამ სხდომაზე .
” მე გახლავართ ტურინის იუვენტუსის ფეხბურთელი , რომლის რიგებს უკვე 16 წელია ვიცავ . რამდენი ტიტული მომიგია ? არიან ადამიანები რომლებიც ამბობენ 15-ს თუმცა ვთვლი რომ ეს რიცხვი 17 – ს უტოლდება “ – განაცხადა პინტურიჩიომ , რომელიც ორ წართმეულ სკუდეტოს შეეხო .

დე სანტისის ადვოკატმა ალეს , 2004 წლის შეხვედრის შესახებ კითხა ლეჩეს წინააღმდეგ , რომელიც თითქოს რამდენიმე პასუხ გაუცემელ კითხვებს ბადებს ..

” მახსოვს ეს მატჩი , გოლიც კი გავიტანე . მოედნის საზიზღარი მდგომარეობა დიდ პრობლემებს გვიქმნიდა . ვფიქრობ დე სანტისი უპირველეს ყოვლისა მოედნის საფარს აქცევდა ყურადღებას რადგან მატჩის დაწყების წინ ჩვენ ამაზე ბევრს ვსაუბრობდით . გვქონდა თათბირი ლეჩეს კაპიტანთან და რეფერისთან ერთად რის შემდეგ გადაწყდა მოედანზე გამოსვლა . იმ პერიოდში ჩვენი გუნდი არნახულად ძლიერი იყო უკლებლივ ყველა სათამაშო პოზიციაზე , მაგრამ მოედნის ასეთი მდგომარეობა არ მოგვცემდა ნამდვილად იმის საშუალებას რომ მაქსიმალურად გამოგვემჟღავნებინა საკუთარი შესაძლებლობები . დე სანტისი კი ყოველთვის მშვიდად უძღვებოდა მატჩებს და ფეხბურთელებთანაც ძალიან უშუალო და მეგობრული იყო ” .

ვეტერანმა ასევე თქვა რომ მხოლოდ და მხოლოდ ორჯერ იქნა გაძევებული მოედნიდან საკუთარი საფეხბურთო კარიერის მანძილზე . ერთ ერთი წითელი ბარათი კი მან სწორედ დე სანტისისგან მიიღო უდინეში . პინტურიჩიოს ასევე ინტერთან შეხვედრის შესახებაც ჰკითხეს რომელიც 2004/05 სეზონში ჩატარდა . ზლატან იბრაჰიმოვიჩს დისკვალიფიკაცია ვიდეო გამეორების ნახვის შემდეგ მისცეს მეორე დღეს .

” დიახ ეს სიმართლეა რომ დე სანტისმა არ აჩვენა გაფრთხილება ზლატანს , თუმცა ვიდეო გამეორების შემდეგ შვედმა გამოტოვა მატჩი მილანთან სკუდეტოსათვის ბრძოლაში . ეს იყო მტკივნეული დარტყმა ჩვენთვის . იგი თავის დროზე რომ დაეჯარიმებინათ მაშინ დისკვალიფიკაციას აღარ მიცემდნენ  ” .

ალემ საკუთარი გამოსვლა სასამართლოზე ,  დაასრულა კალჩიოპოლიზე პირადი მოსაზრების გამოხატვით …

” ვფიქრობ იმ გუნდებმა რომლებმაც მოახერხეს იმ წლებში სკუდეტოს მოპოვება ამას 100 % იმსახურებდნენ , ისევე როგორც იუვენტუსი . 2006 წელს ჩვენ სატურნირო ცხრილში 91 ქულით , პირველ პოზიციაზე დავასრულეთ გათამაშება . საკმაოდ ბევრი გოლები გავიტანეთ მეც , ზლატანმაც და ტრეზეგემაც . ჩვენ შედევრების შექმნა არამარტო პენალტიდან შეგვეძლო და სტატისტიკა ამ ყველაფერს ადასტურებს . არ დაგავიწყდეთ რომ იმ წლების იუვეში უამრავი უმაღლესი დონის ფეხბურთელი ირიცხებოდა , ხოლო 10 – მა მათგანმა მსოფლიოს 2006 წლის ჩემპიონატის ფინალში მივიღეთ მონაწილეობა ” .

წყარო : Football Italia