იუვენტუსი 3-1 ჩეზენა ( ტაქტიკური ანალიზი )

გთავაზობთ იუვენტუსი – ჩეზენას შეხვედრის , ტაქტიკურ ანალიზს …

დელ ნერის , იუვენტუსი სტანდარტული 4-4-2 განლაგებით გამოჰყავს მოედანზე . ახალწვეულებიდან გამოსარჩევია , სორენსენის დაყენება ცენტრალური მცველის პოზიციაზე და გროსოს დაბრუნება სასტარტო შემადგენლობაში , მარცხენა მცველის ადგილზე . პეპე უბრუნდება მარჯვენა ნახევარმცველის პოზიციას , ხოლო მარცხნივ მარკიზიო დგება .

ჩეზენა კი მოედანზე 4-5-1 სათამაშო მოდულით იასპარეზებს .

როგორც ხედავთ , სტუმრები ნახევარდაცვაში , რიცხობრივი უპირატესობის გამოყენებას ცდილობდნენ , ისინი საკმაოდ აგრესიულად ასპარეზობდნენ დაცვით ფაზაში , ხოლო შეტევაში სწრაფი და მოკლე მოკლე პასებით მიიწევდნენ წინ . სწორედ , ასეთ მოკლე გადაცემებს მოჰყვა გოლი იუვენტუსის კარში . ნეგატომო მარჯვენა ფლანგიდან აკეთებს გადაცემას აპიაზე , რომელიც ატარებს ბურთს პაროლოზე , ამ უკანასკნელს  საკმაოდ დიდი თავისუფალი სივრცე აქვს წინ იმ ზონაში , რომელიც ჩვენ ყველაზე სუსტ რგოლად მოვნათლეთ დელ ნერის სქემაში – ეს გახლავთ საყრდენების უკან , შორეულ ფლანგზე . ამასთან ერთად სურათზე კარგად დაინახავთ ჩეზენას განლაგებას შემტევ ფაზაში . სკელოტო უტევს ფლანგიდან , ხიმენესი ინაცვლებს ცენტრში , ხოლო პაროლო აპიას ამაგრებს .

პეპე გადის პაროლოს შესახვედრად , თუმცა აკეთებს ამას დაგვიანებით და ამასთანავე ცდება პოზიციის შერჩევაში , აძლევს რა საშუალებას მეტოქეს გადააწოდოს ბურთი ფლანგზე ლაუროს .

ბურთი საბოლოო ჯამში აღწევს ჯაკერინამდე , რომელიც აწოდებს კიდევაც საჯარიმოში . საჰაერო ჩაწოდების დროს კი იუვეს დაცვითი ხაზი გამოსვლის დროს ცდება , რითაც სკელოტოს ეძლევა საშუალება მშვიდად მიიღოს ბურთი და გადააწოდოს ხიმენეს , რომელიც გახსნის კიდევაც ანგარიშს .

პირველ 15 წუთში , იუვე ვერ ახერხებს ბურთის ხელში ჩაგდებას , რადგან ჩეზენა საკმაოდ კარგად ასპარეზობს მოედნის შუა ხაზში და დიდი ხნის მანძილზე ინარჩუნებს ბურთს თავისთან . იგი არამარტო აკონტროლებს მას , არამედ ქმნის სახიფათო მომენტებს ხიმენესისა და სკელოტოს გაუთავებელი გადაადგილებებით .

დაცვით ფაზაში კი ჩეზენა , თამაშობს ბოგდანთან ერთად რომელიც იუვეს მცველების წინ მოქმედებს , სკელოტო და პაროლო კი ამოსუნთქვის საშუალებას არ აძლევენ სისოკოს და აკუილანის . ხოლო უშუალოდ საკუთარი გუნდის , დაცვის ხაზის წინ ,  აპია მოქმედებდა . აღსანიშნავია რომ სწორედ , ამ ტაქტიკურ წყობას იყენებდა ზალცბურგი , იუვესთან ევროპა ლიგის ბოლო მატჩში .

თუმცა ამ 15 წუთის გასვლის შემდეგ , იუვეს ნახევარდაცვა გაცილებით ხშირად ახორციელებს ჩაჭრებს და ბურთის ფლობაც , თანდათანობით მათ მხარეს გადადის . მიუხედავად იმისა რომ ეს მატჩი , ძალზედ წააგავდა ზალცბურგთან დაპირისპირებას  , იუვე გაცილებით ეფექტურად იყენებდა ბურთის ფლობას , რადგან ევროპა ლიგის მატჩისგან განსხვავებით მოედანზე აკუილანი და კუალიარელა იმყოფებოდნენ და ამასთანავე ავსტრიელებისგან განსხვავებით , ჩეზენას დაცვის ხაზი არ გამოიყურებოდა ბოლომდე საიმედოდ  .

ჩეზენას წინა ხაზელები არ ახდენდნენ პრესინგს იუვეს დაცვის ხაზზე , რაც გადამწყვეტი გამოდგა ბონუჩისთვის , რომელიც გამოირჩევა მოედნის კარგი ხედვით და კარგი პასით  : როგორც დიაგონალურით ისე მოკლეთი .

ბონუჩის საჰაერო გადაცემები ფორვარდებზე , ამ შეხვედრაში გაცილებით ეფექტურად გამოიყურებოდა , ვიდრე გასულ მატჩებში . ბიანკონერის ორივე ფორვარდი  , ადვილად შორდება მეურვეს და მოძრაობენ უშუალოდ ბურთის მიმართულებით , ჩეზენას მცველები კი , ზალცბურგის ფეხბურთელებისგან განსხვავებით არ მიყვებიან ფორვარდებს და ამჯობინებენ ხაზში დარჩენას . ასეთ დროს კი კუალიარელა გაცილებით უკეთესია მოედანზე ვიდრე ამაური , რადგან ბრაზილო/იტალიელი უპირატესობას ანიჭებს უშუალოდ საჯარიმოში ყოფნას და მცველთან ” ჯაჯგურს ” .

შემდეგ სურათზე ჩვენ ვხედავთ , რომ ბონუჩის არა აქვს საშუალება გაუკეთოს გადაცემა საყრდენ ნახევარმცველებს , რადგან ისინი ჩენეზას შუა ხაზელების პრესინგის ქვეშ იმყოფებიან , ამიტომ ლეო ,  დელ პიეროსკენ აგზავნის ბურთს , ალე ცილდება მეურვეს და იღებს ბურთს აპიასგან მარჯვენა მხარეს  .

იხილეთ იდენტური მომენტი , დელ პიერო ბურთს კვლავინდებურად აპიასგან მარჯვნივ იღებს .

იუვეს შემტევი ტაქტიკა  კი ითვალისწინებს პეპეს აქტიურ მოქმედებას მარცხენა ფლანგზე ( პირველი 15 წუთის შემდეგ ინაცვლებს მარჯვნიდან – მარცხნივ ) , ის ფაქტიურად მესამე ფორვარდის პოზიციაზე მოქმედებს . მარჯვნივ კი მარკიზიოა , რომელიც პერიოდულად ცენტრში ინაცვლებს . შევხედოთ როგორ იყენებს ამ გადაადგილებებს იუვენტუსი . ბონუჩი , უკეთებს გადაცემას აკუილანის , რომელიც პაროლოს პრესინგის ქვეშ ექცევა და იძულებულია ბურთი სორენსენს დაუბრუნოს .

სორენსენი ვერტიკალურად მარკიზიოს აწოდებს , ეს უკანასკნელი მომენტალურად უკეთებს გადაცემას აკუილანის , რომელიც სახით მეტოქის კარისკენ დგას და შეუძლია პეპეზე , ერთი შეხებით იერიშის გაგრძელება .

აკუილანის როლი იუვეში როგორც ხედავთ საკმაოდ დიდია , მისი მაღალი საშემსრულებლო კლასის გარდა , რომელიც ისახება უნაკლო გადაცემებით და სხვა საფეხბურთო მახასიათებლებით , მას აქვს სათამაშო  რითმის შეგრძნობის არაჩველებრივი უნარი . გაეკთებინა გადაცემა ოდნავ გვიან ან ოდნავ არაზუსტი , შეტევა ჩანასახშივე ჩაიშლებოდა .

როგორც უკვე გითხარით , პეპე ძალიან მაღლა ასპარეზობდა , ფაქტიურად ერთ ზოლზე ფორვარდებთან .

არ შეიძლება მარკიზიოს დავიწყებაც – მისი გადაადგილებებით მოედნის ცენტრში , ის არამარტო აკუილანის აძლევს საშუალებას , იდეალურ პოზიციაზე მიიღოს ბურთი შეტევების გასანავითარებლად , არამედ უქმნის თავისუფალ ზონებს მარჯვენა ფლანგზე მოტას .

როგორც მაგალითად შემდეგ ეპიზოდში , აკუილანი იღებს ბურთს ბონუჩისგან და აძლევს მარკიზიოს . ეს უკანსაკნელი გაიყოლებს ფეხ და ფეხ ლაუროს . კლაუდიო კი ამასობაში უბრუნებს ბურთს აკუილანის , რომელიც ერთი შეხებით გზავნის ბურთს მოტაზე თავისუფალ ზონაში .

აკუილანი შემდეგ ეპიზოდში ცვლის დიაგონალურ გადაცემებს , მოკლე პასებით . შემდეგ ეპიზოდში , ალბერტო აწოდებს დელ პიეროს , რომელიც პირისპირ რჩება ჩეზენას დაცვის ხაზთან .

მოკლედ როგორც ხედავთ იუვე უპრობლემოდ უახლოვდება მეტოქის საჯარიმოს , თუმცა სწორედ აქ იწყება თავსატეხები  . ბიანკონერი ვერანაირად ვერ ახერხებს შექმნილი მომენტების გოლად გარდასახვას . ანგარიშის გათანაბრება მათ , შესძლეს ბონუჩის წაქცევის გამო დანიშნული პენალტით . მეორე გოლი კი არაჩვეულებრივად ჩაწოდებული ბურთის შედეგი იყო და ასევე ჩეზენას საჯარიმოში შავ თეთრი ფეხბურთელების უხვი რაოდენობით . ის რასაც ითხოვს დელ ნერი მთელი სეზონის მანძილზე გუნდისგან .

როგორც ჩვენ შემდეგ სურათზე ვხედავთ  , მოტას ჩაწოდებულს , მზადაა ერთბაშად სამი იუვენტინო გამოეხმაუროს : დელ პიერო , კუალიარელა და პეპე . ამასთანავე სიმონე საერთოდ უმეთვალყურეოდ არის დარჩენილი.

ასე რომ პეპესთვის არ წარმოადგენს სირთულეს , მშვიდად მიიღოს ბურთი და ახლიდან განავითაროს შეტევა , რომელშიც უკვე ოთხი იუვენტინო მოქმედებს . დელ პიერო ახლო ძელთან არის  , კუალიარელა ცენტრშია , აკუილანი ამ დროს საჯარიმოს მისადგომებთან ელოდება ბურთს , ხოლო მარკიზიო დამხმარე ფეხბურთელის როლშია ამ ეპიზოდში .

მეორე ნახევარში ჩეზენა  , რომელსაც პელეგრინო გაუგდეს , აყენებს 4-2-3 -ს სადაც აპია და პაროლო მოედნის ცენტრში , ხიმენესთან და ჯაკერინისთან ერთად ბოგდანის ეხმარებიან  .  სტორარი ამ დროს საერთოდ უსაქმოდ იყო . იუვე კი ყოველგვარი პრობლემის გარეშე აკონტროლებდა ბურთს . წერტილი კი ამ შეხვედრაში სალიჰამიჯიჩის გადაცემის შემდეგ იაკინტამ დასვა .

შედეგი :

საკმაოდ მნიშვნელოვანი მატჩი იყო ზალცბურგის შემდეგ და ასევე ტრავმირებულთა უხვი რაოდენობის მომატებასთან ერთად . ეს მატჩიც იუვემ დამსახურებულად მოიგო . მიმდინარე სეზონში დებიუტი ჰქონდათ სორენსენს და გროსოს . სორენსენი თამაშობდა ფრთხილად და ყურადღებით . გროსო თავიდან არ იყო აქტიური , თუმცა შემდეგ შევიდა სათამაშო ტონუსში . ამასთან ერთად იუვემ ისარგებლა , მეტოქის უაზრო ტაქტიკური ჩანაფიქრით – მართალია ჩეზენა ახდენდა მოედნის ცენტრში პრესინგს , მაგრამ დაცვით ზოლში საკმაოდ პასიური იყო . კიდევ ერთხელ გამოჩნდა ბონუჩის , აკუილანის და მარკიზიოს როლი შეტევების დაწყების  ფაზაში . გუნდთან რომელიც ფაქტიურად მთელი შემადგენლობით იცავდა თავს , ბიანკონერის არ შექმნია პრობლემა ბურთის მიტანასთან მათ საჯარიმომდე . თუმცა მოედნის ბოლო მეტრებში პრობლემები კვლავინდებურად არის . აუცილებელია საგოლე მომენტების მაქსიმალურად გამოყენება .

ყველაზე სასიხარულო კი გახლავთ ის ფაქტი , რომ მიუხედავად ტრავმების დიდი რაოდენობისა გუნდი რჩება ” გუნდად  ” მოედანზე და ერთ მუშტად შეკრულად ასპარეზობს . გუნდს გააჩნია საკუთარი ხელ წერა , რომელიც დელ ნერიმ უმოკლეს პერიოდში დაატყო .

წყარო : uccellinodidelpiero.com