აკუილანი იმედიანად არის განწყობილი

ჯენოასთან მატჩში , იუვეს ცენტრალური ნახევარმცველი , ერთ ერთი გამორჩეული ფიგურა იყო მოედანზე და საერთოდაც უნდა აღინიშნოს , რომ სკუადრა აძურის წევრი იბრუნებს თავის ჩვეულ ფორმას . სწორედ ამიტომაც ანერვიულდა გულშემატკივარი , როდესაც აკუილანიმ მატჩის მეორე ნახევარში შეცვლა მოითხოვა . საბედნიეროდ ეს მხოლოდ კუნთების გადაღლილობა აღმოჩნდა და ალბერტო შესძლებს , შაბათს  მოედანზე გამოსვლას .

” მატჩის მე – 80 წუთზე კუნთების გადაღლილობა ვიგრძენი  და სწორედ ამიტომ ვთხოვე დელ ნერის შევეცვალე . თავიდანვე მშვიდად ვიყავი , რადგან ვიცოდი რომ სერიოზული არაფერი მჭირდა . ამიტომ სრული პასუხისგებლობით ვაცხადებ  , რომ ფიორენტინასთან მატჩისთვის სრულ მზადყოფნაში ვიქნები “ .

აღსანიშნავია ერთი საკმაოდ საინტერესო ფაქტი , სეზონის სტარტიდან მოყოლებული გუნდი არ დამარცხებულა იმ მატჩებში , სადაც აკუილანი სასტარტო შემადგენლობაში იმყოფებოდა   :  ” კიდევ ერთი გამოწვევაა . წარმატებული პერიოდი გვიდგას და აუცილებელია მისი რაც შეიძლება დიდხანს გაგრძელება . ბოლო მატჩებში  დავამტკიცეთ , რომ გაგვაჩნია ის საფეხბურთო მახასიათებლები , რისი საშუალებითაც შეგვწევს ძალა დავამარცხოთ ისეთი რთული გუნდები , როგორიც მაგალითად ჯენოაა . სწორ გზას ვადგავართ და აუცილებელია პროგრესირების გაგრძელება , სწორედ ეს გახდება ჩვენთვის , წარმატების მომტანი  “ .

რომასთან და ჯენოასთან დაპირისპირებების შემდეგ , ფიორენტინას ჯერიც დადგა :  ”  ფიორენტინა დიდებული გუნდია . შესაძლოა მათ რიგებში ბევრი ტრავმირებული ფეხბურთელია , თუმცა არიან მწყობრში ისეთებიც , რომლებსაც ძალუძთ ინდივიდუალური ოსტატობის ხარჯზე არაერთი თავსატეხის შექმნა იუვესთვის . აუცილებელია ამ დაპირისპირებას სწორი განწყობით შევხვდეთ . ნამდვილად არ გველოდება იოლი გასეირნება , პირიქით “ .

წყარო : ტურინის იუვენტუსის ოფიციალური ვებ გვერდი