კიევო 1-1 იუვენტუსი ( მატჩის ტაქტიკური ანალიზი )

გთავაზობთ კიევოსა და ტურინის იუვენტუსს შორის ჩატარებული შეხვედრის ტაქტიკურ ანალიზს …

ტურინელები სტანდარტული სქემით 4-4-2 ით გამოდიან მოედანზე . ერთადერთი სიახლე შემადგენლობაში , იყო ახალგაზრდა ჯანდონატოს გამოჩენა , რომელიც განპირობებული გახლდათ სისოკოს , მელოს და მარკიზიოს არ ყოფნით . ბიანკონერის ექს მცევლმა და ამჟამად ვერონელთა კლუბის მთავარმა მწვრთნელმა , სტეფანო პიოლიმ  4-3-1-2 განლაგებით დაიწყო მატჩი .

კიევო ასპარეზობდა ისე როგორც თამაშობს მთელი სეზონის მანძილზე . 4-3-1-2 მოდული , საკმაოდ დინამიურია დაცვით ფაზაში , ხოლო შეტევაში სწრაფი და ვერტიკალური გადაცემებითაა დახუნძლული . დაცვით სქემაში , კიევოს ტრეკუარტისტი არ აძლევს საშუალებას მეტოქის საყრდენ ნახევარმცველს მშვიდად მიიღოს ბურთის მოედნის ცენტრში . საყრდენი გუანა კი ფაქტიურად მეხუთი მცველის პოზიციაზე ირჯება და ამის ხარჯზე ახორციელებს პრესინგს ტურინელთა ფორვარდებზე , ამ დროს კი ნახევრად ვინგერები ფერნანდესი და მარკოლინი ფლანგელ მცველებს ეხმარებიან .

შეტევაში ვერონელები ცდილობდნენ სწრაფად თამაშს , რომ არ მიეცათ საშუალება ტურინელთათვის აეგოთ ორი თავდაცვითი ზღუდე . ამიტომ  , ართმევის მომენტიდან ხორციელდებოდა ვერტიკალური გადაცემები , რაც საერთო ჯამში ანულებდა ჰორიზონტალურ პასებს . ვერონელთა ფორვარდები იწევენ ფლანგებისკენ , ხოლო ამ დროს მათი ტრეაკუარტისტი იმ პოზიციაზე შედის საიდანაც ფორვარდებმა მცველები გაიტყუეს . საკმაოდ ბევრჯერ იქნა მათი მხრიდან გამოყენებული მარცხენა ფლანგი იუვესი , სადაც გროსო ასპარეზობდა . შემდეგ სურათზე დააკვირდებით თუ როგორ ცდილობს გაქცევას ფაბიოსგან , სერჟიო პელისიერი .

ესეთი გადაწყვიტელებები მთელი შეხვედრის განმავლობაში ხორციელდებოდა კიევოს მიერ , შემდეგ ეპიზოდში ხედავთ თუ როგორ ცდილობს მარკოლინი , მასკარდელზე გადაცემის გაკეთებას .

სრულებითაც არ იყო შემთხვევითი პენალტის ეპიზოდი  რომელიც იუვეს კარის მიმართულებით დაინიშნა , იგი ვერტიკალურ გადაცემას მოჰყვა . შეტევა იწყება მარკოლინის ვერტიკალური პასის შემდეგ მოსკარდელიზე , თამაშ გარის ზონაში . მოსკარდელი მოახერხებს ბურთის მიღებას და უკან დაბრუნებას კონსტანტაზე , თავის მხრივ კიევოს ფორვარდი ამ დროს იუვეს დაცვის სიღრმეში შეიჭრება და იბრუნებს  ბურთს საკუთარი  ტრეკუარტისგან  . ისე ამ მომენტს რო დაუკვირდეთ კიდევ ერთხელ დააფიქსირებთ კიელინის მოძრაობას , რომელიც ერთი წამით შეჩერდება და კონსტანტაზე დააპირებს წასვლას პრესინგის განსახორციელებლად   , ეს დრო კი კიევომ კარგად გამოიყენა და 11-იანი დარტყმის უფლებაც მოიპოვა , რადგან ჯორჯომ წესები დაარღვია მოსკარდელთან ორთაბრძოლაში .

იუვენტუსი კიევოს ასეთ თამაშს ,  უპირისპირებს  მოკლე მოკლე პასებს ხმელეთზე . შემტევით ფაზაში პეპე და კრასიჩი თამაშობენ უკიდურეს ფლანგებზე , რითაც ხაზს უსვამენ ტაქტიკურ სქემა 4-4-2 -ს . მარკიზიოს არ ყოფნა , დიდად ეტყობა გუნდს შემტევით ორგანიზაციებში , ამიტომ ფორვარდებს მნიშვნელოვანი სამუშაოს შესრულება უწევთ . კუალიარელას და იაკინტას დიდი ჯაფა დაადგათ ამ მატჩში და უნდა ითქვას , რომ ნორმალურად გაართვეს თავი . განვიხილოთ ერთ ერთი შეტევა იუვესი , რომელიც ფორვარდების შესრულებით ხორციელდებოდა . მატჩის საწყის წუთებში , სორენსენი აკეთებს გადაცემას იაკინტაზე , რომელიც იცავს ბურთს და უგრძელებს შეტევას ვერტიკალურად მოძრავ კუალიარელას .

შეტევა რომელშიც სორენსემა ბურთი ძელს გაარტყა , კვლავინდებურად ერთ ერთი ფორვარდისგან იწყება , კუალიარელა აკუილანის უგორებს , ეს უკანასკნელი სორენსენს რთავს შეტევაში , რომლის ზონა კრასიჩის დამსახურებით ცარიელი აღმოჩნდა . კუალიარელასთან გათამაშებული კედელის დამსახურებით კი , დანიელი ფეხბურთელი იდეალურ დასარტყმელ სიტუაციაში აღმოჩნდა , თუმცა სამწუხაროდ როგორც უკვე ითქვა ზემოთ , ბურთი ძელს მოხვდა .

თუმცა სწორედ სორენსენის შეტევას და ძელს მოჰყვა საგოლე კუთხური , რომელსაც კუალიარელა გაიტანს . ამის შემდეგ იუვენტუსი აკონტროლებდა მატჩის სადავეებს . მეორე ნახევრის დასაწყისში სიტუაცია ანალოგიურად ვითარდებოდა , მაგრამ ჯანდონატოს გაძევებისთანავე სურათი შეიცვალა და ეს იმსახურებს ჩვენს ყურადღებას . მომენტი იწყება კუთხურიდან  , რომელსაც იუვე აწვდიდა . როგორც ხედავთ სურათზე, ტურინელები ოთხ ფეხბურთელს უშვებენ ვერონელთა საჯარიმოში : იაკინტას , კუალიარელას , ბონუჩის და კიელინის . აკუილანი აწვდის . კიევო პერსონალური პრინციპით იცავს თავს და საქმეში ოთხი ადამიანი ერთვება . პლიუსი ორი ძელთან  და ორიც საჯარიმოს ხაზთან . კიდევ ორი კი საჯარიმოს გარეთ დგანან , იმ შემთხვევაში რომ გუნდმა სწრაფი კონტრ იერიში განავითაროს .

ბურთის მოგერიებისას , იგი პელისიერთან მიდის , რომელსაც გროსო იყვანდა , თუმცა მიუხედავად ამისა გამოცდილი ფორვარდი ახერხებს გუანასადმი პასის გაკეთებას . დააკვირდით ასევე სად არიან ამ მომენტში პეპე და კრასიჩი .

გუანა კი ვერტიკალური გადაცემით ნახულობს კონსტანტას , რომელიც ჯანდონატოს გაექცა .

რომ არ შევეხოთ მსაჯის გადაწყვეტილებას , აღსანიშნავია სტორარის გაუაზრებელი გამოსვლა კარიდან . სწორედ მან შექმნა საგოლე მომენტი იმ ეპიზოდში . ხოლო წესების დარღვევა  , რომელიც გამოუცდელმა ჯანდონატომ განახორციელა , წითელ ბარათად დაუჯდა .

რიცხობრივ უმცირესობაში დარჩენილი იუვენტუსი , თავდაპირველად 4-4-1 სათამაშო სქემით აგრძელებს ასპარეზობას . პეპე ცენტრში ასპარეზობდა საყრდენად აკუილანის გვერდით , ხოლო მარცხენა ფლანგზე კუალიარელამ დაიწია . თუმცა სალიჰამიჯიჩის მოედნაზე გამოსვლისთანავე , რომელმაც კუალიარელა შეცვალა , პეპემ მარცხნივ გადაიწია , დაუთმო რა საკუთარი პოზიცია ბოსნიელ ფეხბურთელს . კიევო კი ცდილობს გამოიყენოს შეტევის დროს , მოედნის მთელი პერიმეტრი , ფლანგებიდან კი აქტიურად დაიწყო მცველების გამოყენება .

შემდგომ პრიოლი გადაიყვანს საკუთარ გუნდს ახალ , 4-3-3 მოდულზე . გრანოკე შეტევაში იკავებს ადგილს მარკოლინის ნაცვლად . მოსკარდელი მარცხნივ ასპარეზობდა , ხოლო პელისიერი მარჯვნივ .

იუვენტუსი თავის მხრივ არ თამაშობდა საკუთარი კარის სიახლოვეს , მიუხედავად იმისა რომ რიცხობრივ უმცირესობაში იმყოფებოდა და უნდა ითქვას საკმაოდ კარგად უმკლავდებოდა მეტოქის შეტევებს . შეტევაში სიტუაცია მძიმედ გამოიყურებოდა , შავ თეთრებს არ ეძლეოდათ კონტრ შეტევის განხორციელების საშუალება , მხოლოდ იაკინტა პერიოდულად იჭერდა რომელიმე ფლანგზე ბურთს და ამოსუნთქვის საშუალებას აძლევდა გუნდს .

დელ ნერი კი ტაქტიკურ გამოსავალს მოძებნის და გუნდს 4-3-1-1 მოდულზე ანაცვლებს . აკუილანი ცენტრში , მის მარჯვნივ ბრაცო , ხოლო მარცხნივ პეპე , პლეიმეიკერის პოზიციაზე კი კრასიჩმა აიწია .

შედეგად , კრასიჩი ასპარეზობდა კიევოს საყრდენის , გუანას წინააღმდეგ , ხოლო პეპე და სალიჰამიჯიჩი ვერონელთა ვინგერების წინააღმდეგ . ტაქტიკამ გაამართლა არამარტო დაცვით ფაზაში , არამედ შეტევაშიც .

გარდა კრასიჩის 60 მეტრიანი გარბენის შემდეგ შექმნილი მომენტისა , იყო კიდევ ერთი 100 % საგოლე შანსი  , რომელიც დაიბადა სერბი ფეხბურთელის არაჩვეულებრივი უნარით , შეუტიოს თავისუფალ ზონას – თან ამასთანავე მან კარგად შეითავსა ახალი როლი მოედანზე .

შემდეგი მომენტი დაიბადა იაკინტასი და კრასიჩის პრესინგის შედეგად .

ბოლო წუთებზე , დელ ნერი ცვლის კრასიჩს ლეგროტალიეთი , რომელიც იკავებს აკუილანის პოზიციას , ალბერტო თავის მხრივ იაკინტას უკან იკავებს ადგილს . პეპეს ნაცვლად მოედანზე ტრაორე ჩნდება . სწორედ ამ გადაწყობის დროს გადის გოლი იუვეს კარში . შეტევას გუანა იწყებს და აგზავნის ბურთს კვლავინდებურად გროსოს ზონაში , სადაც იდეაში ფაბიოს დახმარებას ტრაორეც უნდა უწევდეს , მაგრამ … მოსკარდელი თავური გადაცემით უბრუნებს  ბურთს გარონკეს . ეს უკანასკნელი პელისიერს უპასებს , რომელიც აფიქსირებს კიდევაც საბოლოო ანგარიშს 1-1 .

შედეგი :

მიუხედავად შედეგისა , იუვენტუსის თამაშით კმაყოფილნი უნდა ვიყოთ . გუნდი ასპარეზობდა უსაშინლეს მოედანზე , სამი წამყვანი საყრდენი ნახევარმცველის გარეშე და მატჩის 47 წუთი საერთოდ 10 კაცით იდგა მოედანზე . ყველაფერთან ერთად კრასიჩმა და იაკინტამ ორი 100 % მომენტები გააცუდეს , რისი რეალიზების შემთხვევაში თამაში დასრულდებოდა . პენალტის გარდა კი კიევოს ფაქტიურად არაფერი შეუქმნია .

ფორვარდთა დუეტი კარგად მოძრაობდა მოედანზე და ერთმანეთსაც იდეალურად ეხსნებოდნენ . იაკინტა ყველაფერთან ერთად კარგად უქმნიდა სივრცეს საკუთარ პარტნიორებს , როდესაც გუნდი 10 კაცით დარჩა მოედანზე .

კარგად გამოავლინა საკუთარი პროფესიონალიზმი დელ ნერიმ , როდესაც კლუბი 4-3-1-1 ზე გადააწყო . კრასიჩის და პეპეს მოედნიდან გაყვანა კი იძულებით განხორციელდა , რადგან ორივე მათგანს უბრალოდ ძალა აღარ ჰქონდათ . პლიუს ამასთან , ჩემი აზრით არჩევანი რომელიც გაკეთდა იაკინტას სასარგებლოდ , რიცხობრივი უმცირესობის პერიოდში , მაინც გამართლებული ნაბიჯი იყო .

კიდევ ერთი შეხვედრა სადაც იუვენტუსი იმსახურებდა სამ ქულას , თუმცა ამჯერად უნდა ითქვას , რომ ორი დაკარგა . ჯორჯომ ითამაშა საოცრად ცუდათ პენალტის ეპიზოდში . ჯანდონატოს ეპიზოდში მთავარი დამნაშავე კი გახლავთ სტორარი . გოლის მომენტში კი სორენსემა დაკარგა პელისიერი . სწორედ ამ ერთეულმა შემცდომებმა მოიტანა ის შედეგი რომელიც ტაბლოზე დაფიქსირდა .

მოკლედ ის რაც წინა მატჩებში ხორციელდებოდა , კიევოსთანაც განმეორდა . დაცვაში მხოლოდ ერთეული შეცდომები იშვება , შეტევაში კი რეალიზაცია ჭირს საოცრად . იმედს გამოვთქვამთ , რომ 2011 წელს სიტუაცია უკეთესობისკენ შეიცვლება ამ ასპექტში .

წყარო : uccellinodidelpiero.com