ანდრეა ანიელი : ” წონასწორობიდან გამოვდივარ როდესაც იუვე მარცხდება ”

” მშვენივრად გვესმის , რომ გადამწყვეტი მომენტი დადგა გუნდის წინაშე ” – დაიწყო საუბარი დღევანდელ პრესკონფერენციაზე კლუბის პრეზიდენტმა ანდრეა ანიელიმ : ” მინდა აქ გარკვეული კორექტივები შევიტანო , ბოლო პერიოდში ტურინული კლუბის ყოფილმა ფეხბურთელებმა და წარმომადგენლებმა საკმაოდ ნეგატიური კუთხით ისაუბრეს ბიანკონერიზე . ამ ეტაპზე ვიმყოფებით მეექვსე პოზიციაზე . ვცადეთ შეგვემცირებინა სახელფასო ხარჯები . იუვენტუსი ეს არის ” სუპერ მანქანა ” , რომელიც უმაღლესი ხარისხის ბენზინით იკვებება , ჩვენ კი ვცადეთ მისი დიზელზე გადაყვანა . ეხლა კი აუცილებელია , სიტუაცია გამოვასწოროთ . ლიპი და სპალეტი იუვეში ? კარგია , თუმცა ჯობია ფანტაზიებში არ გადავარდეთ . მე მჯერა მაროტასი და დელ ნერისი . ჩვენ კარგად გვახსოვს , თუ რა სიტუაციაში ჩავიბარეთ გუნდი . ფინანსები ? მისი მართვა საკმაოდ დელიკატური საკითხია , თუ გავითვალისწინებთ , რომ ვერ შევძელით ჩემპიონთა ლიგის საგზურის მოპოვება შარშან , ამან გარკვეული პრობლემები შეგვიქმნა . მიმდინარე სეზონში , ყველანაირად ვცდილობთ უარყოფითი ბალანსის აღმოფხვრას .მიუხედავად ამისა , ეს არ ცვლის პირვანდელ გეგმას , რომლის მიხედვითაც იუვენტუსი გამარჯვებების მანქანა უნდა გახდეს ” …

” ჯერ კიდევ აგვისტოში ვამბობდით , რომ საკმაოდ გაგვიჭირდებოდა , მიუხედვად დიდი ინვესტიციებისა , რომელიც განხორციელდა . მნიშვნელოვან სახსრებს წელსაც გავიღებთ და თუ სიტუაცია არ გამოსწორდება მომავალი წლის ამ პერიოდში , მაშინ უკვე განგაშის ზარებს დავრეკავთ და ვიფიქრებთ იმაზე თუ რა გავაკეთეთ არასწორად . ეხლა კი თავს მშვიდად ვგრძნობ რადგან თავიდანვე მესმოდა , რომ სკუდეტოს ვერ შევწვდებოდით ” .

” პრეზიდენტი იმიტომ გავხდი , რომ მჯეროდა პროექტის , მე მჯერა იუვენტუსის ! კვლავინდებურად მჯერა იმ ადამიანების , რომლებიც სეზონის წინ მოვიდნენ კლუბში გარკვეულ თანამდებობებზე . გამოვეთიშეთ ევროპა ლიგას , ექვსი ფრით, გამოვეთიშეთ იტალიის თასს და როგორც რიგითი გულშემატკივარი იუვესი , ვაგრძელებ მუშაობას რომ შევძლო კლუბის გამოყვანა ამ არასასიამოვნო სიტუაციიდან ” .

” ციფრებით რომ ვილაპარაკოთ , ჩემპიონთა ლიგაზე მოხვედრა დამატებითი 20 მილიონია , თუმცა საქმე არა ფულს არამედ პრესტიჟს ეხება . ჩვენ უნდა დავბრუნდეთ ელიტაში , რაც წარმატების მთავარი გარანტი გახდება . დელ ნერი ? სრული პასუხისმგებლობით ვაცხადებ , რომ მას შეუძლია მშვიდად განაგრძოს საკუთარი საქმიანობა . ის ისევე რიგორც მე ყველაფერს ვაკეთებთ კლუბის განვითარებისთვის  . გუნდი და ფეხბურთელები  კი მთელი 95 წუთის მანძილზე , შეუჩერებლივ უნდა გადაადგილდებოდნენ მოედანზე , ეს ერთადერთია რასაც მათგან ვითხოვ . მაისში კი შევაფასებთ იმ შედეგს რასაც მივაღწევთ . გულშემატკივრებმა მინდა გაიგონ , რომ წონასწორობიდან გამოვდივარ როდესაც ვაგებთ და მიხარია ისევე როგორც ყველას , როდესაც ვიმარჯვებთ ” .

” მორატი ? მისი ლაპარაკი უკვე აუტანელია . იმედი მაქვს იმ სარჩელზე რაც შევიტანეთ სასამართლოში დროულად გვიპასუხებენ , მათ ითხოვეს დრო , რომელიც მივეცით … თუმცა ის უკვე ამოწურულია … საათები , დღეები , თვეები , დროა პასუხი გაეცეს ყველა კითხვას ” .

წყარო : Tuttosport