ლეჩე 2-0 იუვენტუსი ( მატჩის ტაქტიკური ანალიზი )

გთავაზობთ , ლეჩე – იუვენტუსის შეხვედრის ტაქტიკურ ანალიზს…

ლეჩეში განცდილმა მარცხმა  , იუვენტუსი 7 ქულით ჩამოაშორა ჩემპიონთა ლიგის ზონას . საერთოდაც , ასეთი თამაშით ჯობია ჩემპიონთა ლიგაზეც არ იფიქრონ . ეს ტაქტიკური ანალიზი განსხვავებული იქნება წინამორბედებისგან . ფეხბურთში წარმატების მისაღწევად , მარტო ტაქტიკა არ არის საკმარისი . ის დამოკიდებულია შემსრულებლებზე , სამწვრთნელო შტაბზე , ხელმძღვანელობაზე და ასე შემდეგ .  შედეგზე დიდ ზეგავლენას ახდენენ ფეხბურთელები , რომლებიც კონკრეტულ სათამაშო ეპიზოდში იდეალურ გადაწყვეტილებას მიიღებენ . ლეჩესთან განცდილი მარცხის ასახსნელად , მარტო ტაქტიკური გარჩევა არ არის საკმარისი , რადგან მთავარმა მიზეზმა შესაძლოა უფრო შორს წაგვიყვანოს . ამიტომ ეს არ იქნება ვრცელი მიმოხილვა , მაგრამ ნათლად აჩვენებს მარცხის მიზეზს .

დავიწყოთ 29 წუთით , როდესაც ბუფონი გააძევეს მოედნიდან და ბიანკონერი 10 კაცით დარჩა . ლეჩე თამაშობს 4-1-4-1 სათამაშო მოდულით . სურათზე კარგად ჩანს , თუ როგორ არიან განლაგებულნი ლეჩეს ნახევარმცველები მოედნის ცენტრში მცველების დასახმარებლად . სორენსენი გადაცემას , ფელიპე მელოს უკეთებს …

მელომ იმის მაგივრად რო განთავისუფლდეს ბურთიდან და წავიდეს ლეჩეს ნახევარმცველების მიმართლებით , ვერტიკალურად იწყებს მოძრაობას და ექცევა ბერტოლაჩის და დი მიკელეს პრესინგის ქვეშ , შედეგად ბრაზილიელი კარგავს ბურთს.

ვივესი რომელიც იგდებს ბურთს საკუთარი კონტროლის ქვეშ , ვერტიკალურად უგზავნის მას დი მიკელეს , რომელიც თავის მხრივ გადის იუვეს მცველებზე . საწყის ეტაპზე მოქმედება ვითარდებოდა 3-3 ზე .

ყურადღება მიაქციეთ აკუილანის პოზიციას მუნარისთან მიმართებით  და მელოსი შესაბამისად ბერტოლაჩისთან . ისინი ერთი პოზიციიდან იწყებენ მოძრაობას . მაგრამ , იმის გამო რომ მელო და აკუილანი ვერ ასწრებენ ჩამოსვლას უკან , რიცხობრივი უპირატესობა ლეჩეს მხარეს გადადის … 5-3 ზე .

კონკრეტულად ამ ეპიზოდში ჩანს , მელოს პასიურობა , რომელმაც უწყინარ სიტუაციაში დაკარგა ბურთი მოედნის ცენტრში , რამაც ლეჩეს რიცხობრივი უპირატესობა გამოიწვია იუვეს ნახევარზე .

ეხლა კი განვიხილოთ ქრონოლოგიურად მასპინძელთა პირველი გოლი მესბეს შესრულებით . მოქმედება იწყება ისევე როგორც ბუფონის გაძევების ეპიზოდში . ლეჩეს მეკარის გრძელი გადაცემით იწყება კონტრ იერიში . ბურთი გროსმიულერთან მიდის , რომელიც ანვითარებს იერიშს , ბიანკონერის მარცხენა ფლანგზე , თუმცა მას კიელინი აღუდგება წინ . გროსმიულერი ბურთს უკან აბრუნებს ვივესის მიმართულებით , თუმცა აკუილანი ჭრის გადაცემას და იგერიებს მას საჯარიმოდან .

ბურთმა დატოვა  იუვეს საჯარიმო და დაცვა თანდათანობით ზევით იწევს . ყურადღება მივაქციოთ კიელინის და მარკიზიო – მესბეს დუეტს..

ბურთი  დონატისთან მიდის და აგზავნის მას ჰორიზონტალურად მუნარის მიმართულებით , რომელიც თავის მხრივ მესბას უკეთებს გამჭოლ პასს . მან უკვე მოახერხა გასცდენოდა მარკიზიოს , ხოლო კიელინიმ ამ ეპიზოდში ჩააგდო თამაშ გარის ხაზი , რითაც საშუალება მისცა ოპონენტს გოლი გაეტანა .

გავაგრძელოთ … პირველი ტაიმის ბოლო წუთები , ლეჩეს კონტრ შეტევა … რომელიც სხვათაშორის მელოს შორეულ დარტყმას მოჰყვა …

ბურთს გროსმიულერი აკონტროლებს , რომელსაც დი მიკელე და მესბა ეხსნებიან . მელო ამ ეპიზოდში მესბას აკონტროლებდა .

მესბა შორდება მელოს , ბარძალი კი, რომელიც იდეაში უნდა იჭერდეს ცენტრს , ხოლო გროსმიულერს უტოვებდეს ბონუჩის , რომ ლეჩეს ფეხბურთელმა ვერ მოახერხოს პასის გაკეთება დი მიკელეზე , წყვიტავს თავად გავიდეს გროსმიულერზე , რითაც ძალიან დიდ ცარიელ სივრცეს ტოვებს , სადაც უკონტროლოდ დატოვებული მესბა მიდის , რომლისკენაც აკეთებს კიდევაც გადაცემას გროსმიულერი .

მელო კიდევ ერთხელ დამარცხდა სისწრაფეში , ხოლო ბარძალიმ უპატიებელი ტაქტიკური შეცდომა დაუშვა .

მეორე ტაიმი კი იწყება , მეორე გატანილი გოლით იუვეს კარში, ბერტოლაჩის შესრულებით . შეტევა იწყება აუტის ხაზიდან მოწოდებული ბურთით ლეჩეს მოთამაშის შესრულებით . ამ ეპიზოდში , როდესაც დაცვის ხაზი ტაქტიკურად სწორად არის განლაგებული , წესით არ უნდა გაჩენილიყო არანაირი პრობლემა .

ვივესი ბურთს თავისუფლად იღებს  , რაც საინტერესოს ხდის ამ ეპიზოდს . ბიანკონერის დაცვის ხაზი თანდათანობით ზევით იწყებს ასვლას , თუმცა ჩერდება ვივესის შეჩერებისას . დი მიკელეს ბარძალი აკონტროლებდა , თუმცა ტანმორჩილმა ფეხბურთელმა მაინც მოახერხა ბერტოლაჩიზე გადაცემის გაკეთება , რომელიც მარკიზიოს დაუსხლტა ხელიდან .

ამ მომენტში , ლეჩეს შეტევა არ იყო სწრაფი და მოულოდნელი . თუმცა , ბიანკონერის დაცვის ხაზმა ვერ შესძლო სიღრმიდან გაკეთებული შორეული ჩაწოდების განეიტრალება .

და ბოლოს , მივუახლოვდით  კოშმარული ეპიზოდების დასასრულს . შევჩერდეთ მეორე ტაიმის 6 წუთზე . იუვენტუსმა კუთხურის ჩამოწოდების უფლება მოიპოვა . ბურთი მოიგერიეს და მისთვის ლეჩეს ფეხბურთელებთან მელო იბრძვის .

მიუხედავად ამისა , გამარჯვებული ვივესი გამოდის , რომელიც ატყუებს ბრაზილიელესაც და სორენსენსაც , აკეთებს რა შემდეგ ქუსლით გადაცემას მესბეზე . გამოდის შეტევა 2-1 ზე ლეჩეს სასარგებლოდ . ბრაძალი მარტო ხვდება გროსმიულერს და მესბას . იუვეს საჯარიმო მისადგომებთან კი  , საერთოდ ოთხი ფეხბურთელი ჩნდება , რომლებიც კვლავინდებურად ერთის წინააღმდეგ იყვნენ , რადგან სორენსენმა და მელომ დათმეს პოზიციები მეტოქესთან სისწრაფეში .

ჩვენს მიერ ნაჩვენებმა ეპიზოდებმა , ნათლად ასახა ბიანკონერის მიერ დაშვებული დამღუპველი შეცდომები ლეჩესთან შეხვედრაში . შეტევაში გადასვლის დროს , იუვენტუსი საერთოდ ვერ ახერხებდა შემდგომ ლეჩეს შეტევების შეჩერებას . ყველაფერს ემატება , ბურთის უაზროდ დაკარგვა უწყინარ სიტუაციაში … საერთოდ არ არსებობდა ბურთის ცირკულაცია მოედნის ცენტრში . ამისთვის დიდი მინუსი აკუილანის , რომელიც რას აკეთებდა ამ მატჩში არავინ არ იცის .

მიზეზი თუ რატომ მოხდა , რომ კლასით დაბალმა გუნდმა ლეჩემ ასე პირწმინდად დაჩაგრა იუვენტუსი , გაცილებით ღრმაა ვიდრე ტაქტიკური მონახაზის სტატია …