იუვენტუსი 0-1 მილანი დელ ნერის მატჩისშემდგომი კომენტარი

მილანთან დამარცხება არ უსვამს წერტილს ჩემპიონთა ლიგის ზონაში მოხვედრას , ყოველშემთხვევაში ლუიჯი დელ ნერი ასე ფიქრობს ამ თემაზე : ” წინა მატჩებთან შედარებით , იუვემ უკეთესი თამაში აჩვენა , ფეხბურთელებმა გამოავლინეს მტკიცე ხასიათი და გააკეთეს ყველაფერი რაც შეეძლოთ , ამასთან ერთად საკმაოდ რთულია მილანის კარის მიმართულებით დარტყმის განხორციელება , ისევე როგორც ჩვენი კარის მიმართულებით უჭირდათ მათ , იგივეს გაკეთება “ .

გატუზოს გოლმა გათიშა იუვენტუსი : ” გაშვებული ბურთის შემდეგ , სულიერად გავტყდით . რთული პერიოდია , საშინელი , თუმცა აუცილებელია მუშაობის გაგრძელება სიტუაციის გამოსასწორებლად , არ უნდა ვუღალატოთ პირვანდელ იდეებს და პატივი უნდა ვცეთ გაწბილებულ გულშემატკივრებს ” .

იუვეს არ ეყო ძალა ანგარიშის შესაცვლელად …

” ტენდეციასთან გვაქვს საქმე . გაშვებული ბურთის შემდეგ გვიჭირს მატჩის შემობრუნება , ეს ფეხბურთისთვის დამახასიათებელი რამ არის . კი ვპასუხობთ , მაგრამ ამას ძალიან უსუსრად ვაკეთებთ . ბოლო სამ შეხვედრაში , გუნდმა ვერ მოახერხა ვერცერთი ქულის აღება  , რაც ბუნებრივია მოქმედებს გუნდის მორალურ მხარეზე ” .

როგორ უნდა დაძლიოს იუვემ კრიზისი ? : ” ტრავმირებული ფეხბურთელების დაბრუნებით – პეპე , აკუილანი . სისოკო კი უკვე ვეღარ დაგვეხმარება ” .

თუმცა , მილანთან შეხვედრაში ცვლილბები მაინც განხორციელდა : ” კარგად ვაცნობიერებდით , რომ მილანზე ქვევით ვიმყოფებით ამ ეტაპზე , მაგრამ ისევე რომ მივდგომოდით სიტუაციას , როგორც პირველი წრის შეხვედრაში , მაშინ განსხვავებულ შედეგს მივიღებდით ” .

4-4-2 … ამ ტაქტიკურ სქემას დელ ნერი არ ცვლის : ” მის გარშემო უნდა გავაგრძელოთ მოქმედება . კუალიარელასთან ერთად ამას მოჰქონდა შედეგი , ეხლა კი სამაგიეროს გადახდის დრო დადგა . გუნდს მოუხდა , ერთ ერთი დაშვებული შეცდომისთვის პასუხის გაცემა . თუმცა , უადგილოა მაინც ყველაფრის იღბალზე გადაბრალება . მუშაობა უნდა გავაგრძელოთ ” .

მიუხედავად ამისა  , ერთი პოზიტიური მომენტი დელ ნერიმ მაინც დაინახა : ” დღეს უკეთესად ვასპარეზობდით და მომდევნო მატჩებში ამას ყველა დაინახავს . ლეჩესთან და ბოლონიასთან , დაცვის ხაზის მიერ დაშვებული შეცდომების გამო , გუნდი მძიმე ვითარებაში ჩავარდა , მილანთან კი სიტუაცია ამ მხრივ უკეთესად გამოიყურებოდა “ .

იუვენტუსი მილანს 20 ქულით ჩამორჩება …  : ” რიცხობრივად კი – თუმცა იყო მომენტები როდესაც თანაბრად ვეთამაშებოდით , მიუხედავად ამისა გუნდს გაძლიერება ესაჭიროება ” .

მეოთხე ადგილი ჯერ კიდევ მიღწევადია : ” რთულად გამოიყურება ეხლა ეს ყველაფერი , მაგრამ ტრავმირებული ფეხბურთელების დაბრუნების შემდეგ შევძლებთ ამ მისიის შესრულებას “ .

წყარო : Tuttosport