ვარჯიშები ხვალიდან განახლდება
დასასრულს უახლოვდება სანაკრებო ბატალიები და ძალიან მალე , კალჩოში გადამწყვეტი მატჩები დაიწყება . ერთ ერთი მათგანი მოახლოებულ უიკ ენდზე , იტალიის დედაქალაქში , სტადიო ოლიმპიკოზე შედგება , ადგილობრივ რომასა და ტურინის იუვენტუსს შორის . მიმდინარე სეზონში ეს ორი გუნდი უკვე დაუპირისპირდა ერთმანეთს , კალჩოს პირველ წრეში და იტალიის თასსზე . ამ მატჩებისგან განსხვავებით , ეხლა რომას მთავარი მწვრთნელის პოსტზე ვინჩენცო მონტელა იმყოფება , რომელმაც კლაუდიო რანიერი შეცვალა არცთუ სახარბიელო შედეგების გამო . ტურინელები ამ მატჩისადმი მომზადებას უკვე ხვალიდან შეუდგებიან , როდესაც ლუიჯი დელ ნერი ვინოვოს საწვრთნელ ბაზაზე შეკრიბავს ფეხბურთელებს .
წვრთნები დღის მეორე ნახევარში დაიწყება და მას იტალიის ნაკრების 6 მოთამაშე გამოაკლდება , რომლებიც უკრაინის ეროვნულ ნაკრებთან გამართავენ მატჩს . ვადაზე ადრე დასრულდა მილოშ კრასიჩის სანაკრებო თავგადასავალი , რომელიც არ არის გამოწვეული მწვრთნელთან კამათით ან ტრავმით , უბრალოდ ბიანკონერის გარემარბი დისკვალიფიცირებულია .
სხვათაშორის სამწვრთნელო სესია ოთხშაბათს , ხუთშაბათს და პარასკევს სამჯერ ჩატარდება ერთი დღის განმავლობაში . ხოლო შაბათს გუნდი შუადღის პერიოდში შეიკრიბება მოსამზადებლად .
წყარო : ტურინის იუვენტუსის ოფიციალური ფან კლუბი
