მატრი: ” “ჩემპიონთა ლიგა”? შანსი 40% -ია “

ალესანდრო მატრი “იუვენტუსის” იმედს არ კარგავს. საკუთარი კლუბის მომავალზე ფორვარდი sky sport italia -სთან საუბრობდა…
” ვფიქრობ როცა სეზონი დასრულდება ყველა გუნდი ინანებს რაღაცას. ახლა ისღა დაგვრჩენია ყველა დარჩენილი შეხვედრა მოვიგოთ და უშუალო კონკურენტთა შეცდომების იმედი გვქონდეს. ”

ასეტი კონკურენტი დღეს უკვე სამია, “რომა”, “ლაციო” და “უდინეზე”: ” სეზონში “ლაციომ” ყველაზე სტაბილურად იაპარეზა, “უდინეზემ” ცუდად დაიწყო და ბრწყინვალედ დაასრულა. მათ გვერდით ჩვენ და “რომაც” ვართ, “იუვენტუსს” ამის სრული ფულება აქვს და ბოლომდე იბრძოლებს. როგორია “ჩემპიონთა ლიგაზე” გასვლის შანსები? ჩემი აზრით, დაახლოებით 40%, რადგან ყველაფერი “იუვეზე” არაა დამოკიდებული. ”

ახლა “იუვენტუსი” არც ისე ცუდ ფორმაშია და სირთულეებს ნელ-ნელა ივიწყებს: ” ეს დელ ნერის დამსახურებაა, ლუიჯიმ იცის, გუნდი როგორ უნდა შეკრას და ეს ყველაზე კრიტიკულ დროსაც კი გამოსდის ხოლმე. და როცა გუდნზე ვსაუბრობ, ამ სიტყვაში მხოლოდ ფეხბურთელები კი არა, მთელი შტაბი იგულისხმება. მთელი გუნდი, მთელი კოლექტივი ლუიჯის გვერდით ედგა, ბოლოდროინდელი შედეგები ამის მშვენიერი დასტურია. ”

ცხადია მატრი დელ პიეროს კონტრაქტის გახანგრძლივების თემას გვერდს ვერ აუვლიდა: “ ალექსი გუნდის სულისჩამდგმელი, შთამაგონებელი ერთეულია. დელ პიეროს გვერდით კიდევ ერთი წლის გატარება ჩემთვის დიდი პატივი იქნება. ”

მალე სატრანსფერო ფანჯარა გაიხსნება, “ბებერი ქალბატონის” სახელს უამრავ ფეხბურთელს უკავშირებენ: “ რაც მეტი კვალიფიციური ფეხბურთელი გვეყოლება, უკეთესია, რადგან მაღალი მიზნებისთვის ბრძოლისთვის მხოლოდ 11 კაცი საკმარისი არ არის. ჩემი წვლილის შეტანა მეც მსურს და იმედია გადამწყვეტ როლს ვითამაშებ. ”

წყარო: “იუვენტუსის” ოფიციალური ვებ-გვერდი