წარმატებული დღე ბებერი ქალბატონისთვის

დღევანდელი დღე მომავალი “იუვენტუსისთვის” ნამდვილად შედეგიანი იყო.იტალიური პრესის ინფორმაციით, 17 მაისს ბიანკონერებმა რამოდენიმე მნიშვნელოვანი ნაბიჯი წინ გადადგეს.პირველი იყო კლაუდიო მარკიზიოს ახალი კონტრაქტი, იტალიელმა ნახევარმცველმა ბებერ ქალბატონთან ხელშეკრულება 2016 წლის 30 ივნისამდე გაახანგრძლივა, ბუნებრივია, მარკიზიო მომავალი “იუვენტუსის” ერთ-ერთი ლიდერი იქნება.გარდა მარკიზიოსა, იუვეს ოფისს ეწვია კუნ აგუეროსა და ამავდროულად მოჰამედ სისოკოს პირადი აგენტი.ხოსე სეგუი ბეპე მაროტასა და ანდრეა ანიელის შეხვდა, 5 საათიანი საუბრის შემდეგ ბევრი რაიმეს აეხდებოდა ფარდა.არგენტინელი აგუეროს სავარაუდო ფასად 45 მილიონი სახელდება, მაგრამ ამ თანხის დაკლებას ტურინელები ტრანსფერში ტიაგო კარდოსო მენდეშისა და მალელი საყრდენის ჩართვით შეეცდებიან.დღესვე სავარაუდოდ მორიგი საუბარი შედგა მაროტასა და ბებერი ქალბატონის მომავალ მწვრთნელს, ანტონიო კონტეს შორის.29 მაისს “სიენა” სერია B – ს ბოლო კალენდარულ მატჩს ჩაატარებს, რის შემდეგაც ყოფილი ნახევარმცველი ტასკანიურ კლუბს დაემშვიდობება, “ნაპოლის” წინააღმდეგ მატჩი კი ლუიჯი დელ ნერისთვის ბოლო იქნება.კონტესთვის პირველი საჩუქარი ანდრეა პირლო შესაძლოა გახდეს, რომლის ხელში ჩაგდებას მაროტა პარატიჩის დუეტი აქტიურად ცდილობს.ტურინელები უფასოდ ნეაპოლელი პაციენცასა და სამპდორიელი რეტო ციგლერის გადმობირებასაც აპირებენ.ნახევარმცველის პოზიციაზე კიდევ ორი კანდიდატურა განიხილება, “სამპდორიას” კაპიტანი ანჟელო პალომბო და “იების” ლიდერი, რიკარდო მონტოლივო.

წყარო : Tuttojuve