ლუიჯი დელ ნერის წინასამატჩო პრესკონფერენცია

“მომავალ სეზონში ტურინის “იუვენტუსს” ახალი მწვრთნელი ეყოლება.კლუბმა ამის შესახებ ოთხშაბათს შემატყობინა.” – გუნდიდან წასვლის შესახებ ლუიჯი დელ ნერიმ “ნაპოლისთან” მატჩამდე გამართულ პრესკონფერენციაზე განაცხადა.

იტალიელმა სპეციალისტმა ბებერი ქალბატონის მთავარი მწვრთნელის პოსტზე მხოლოდ 1 წელი დაჰყო.”ნაპოლისთან” მატჩი დელ ნერისთვის ბოლო იქნება.ბიანკონერები ევროპის ლიგაზე მხოლოდ იმ შემთხვევაში მოხვდებიან, თუ “სამპდორია” რომში ჯილიაროსის დაამარცხებს.ლუიჯი დელ ნერის სავარაუდოდ “სიენას” თავკაცი, ანტონიო კონტე ჩაანაცვლებს.

“მომავალ სეზონში იუვენტუსს ახალი მწვრთნელი ეყოლება.კლუბმა ამ გადაწყვეტილების შესახებ ოთხშაბათს მაცნობა.ლოგიკურია, ერთი კარის დახურვისას მეორე ამავდროულად იხსნება.ამაყი ვარ, რომ ბებერ ქალბატონში ვმუშაობდი.სამპდორიასთან ერთად ჩემპიონთა ლიგის საგზური მოვიპოვე, ამის შემდეგ, უმაღლესი დონის გუნდმა გამომიცხადა ნდობა.ზაფხულში ჩემთან ერთად გუნდში ფაბიო კვალიარელა და ალბერტო აკვილანი მოვიდნენ, შესანიშნავ ფორმაში იმყოფებოდნე ვინჩენცო იაკინტა და პაოლო დე ჩელიე, მაგრამ იანვარში მძიმე ტრავმებმა ჩვენს პროგრესირებას ხელი შეუშალა.გუნდმა ნდობა გამომიცხადა, დიდი ცვლილებების შემდეგ სკუდეტოს მოპოვება რთულია, თუმცა შესანიშნავად მესმის, რომ იუვეს დონის გუნდი მუდმივად გამარჯვებისთვის იბრძვის.”

“ბუნებრივია, იუვეში კიდევ ერთი წელი სიამოვნებით ვიმუშავებდი, მითუმეტეს კონტრაქტს ვადა კიდევ აქვს.თავს დამარცხებულად არ ვთვლი, გასულმა წელმა დიდი გამოცდილება შემმატა.იუვეში შესანიშნავი გარემოა, ბიჭები გამარჯვებისთვის იბრძვიან და ყოველთვის გვერდით უდგანან ერთმანეთს.დასამტკიცებელი არავისთვის არაფერი მაქვს, უბრალოდ, ცხოვრება გრძელდება.”

წყარო : Football Italia