კონტე სამშაბათიდან ახალი გეგმით მუშაობას დაიწყებს

ერთ წლიანი მუშაობის შემდეგ, ანტონიო კონტემ “სიენას” სერია A – ს საგზური მოაპოვებინა, ორშაბათს კი იტალიელი მენეჯერი გუნდს ოფიციალურად დატოვებს.ტოსკანიური გუნდის ტიფოზები უკვე გამოვიდნენ ქუჩებში, თავად კონტე კი მათ კვირას გამართული შეხვედრის შემდეგ, “არტემიო ფრანკიზე” თვალცრემლიანი დაემშვიდობა.სამშაბათიდან ბებერი ქალბატონის ყოფილი კაპიტნის ახალი ისტორია იწყება – ტურინის “იუვენტუსი”.უახლოეს ორ დღეში ანტონიო ბეპე მაროტას, პაველ ნედვედსა და ფაბიო პარატიჩის შეხვდება, სადაც სატრანსფერო ფანჯრის დროს სამოქმედო სტრატეგია დადგინდება.ბიანკონერები ფორვარდის, ნახევარმცველისა და მარჯვენა უკანახაზელის ყიდვას უეჭველად აპირებენ.

“იუვენტუსმა” აწ უკვე გასულ სეზონში მეშვიდე პოზიცია დაიკავა და ევროპის წამყვან ლიგებზე თამაშის უფლება ვერ მოიპოვა.ანტონიო კონტეს პირველ რიგში ფაბიო კვალიარელასა და ალესანდრო მატრის დუეტის მოსინჯვა სურს, მართალია ამ ფორვარდებს ერთად არასდროს უთამაშიათ, მაგრამ გავრცელებული ჭორების თანახმად, გუნდში ორივე მათგანის დატოვება ფაქტიურად გადაწყვეტილია.კვალიარელასა და მატრის გასაძლიერებლად კი გუნდს კიდევ ერთი, მაღალი დონის წინახაზელი დაემატება.

წყარო : Tuttosport