ნედვედი: ” “იუვეს” მწვრთნელობაზე უარი ვთქვი “

როგორც ჩანს, “იუვენტუსის” ხელმძღვანელობა მწვრთნელის კანდიდატურად პაველ ნედვედსაც განიხილავდა. ჩეხმა ყოფილმა ნახევარმცველმა ამ თემაზე tuttosport -თან ისაუბრა და როგორც თავად დასძინა, მაშინ ასეთი გრანდიოზული ნაბიჯის გადადგმისთვის შესაფერისი დრო არ იყო: “ ეს სამუშაო ნამდვილად შემომთავაზეს, მაგრამ მე უარი ვთქვი. არამგონია ამისთვის საუკეთესო დრო ყოფილიყო, მაგრამ მომავალში კი ნამდვილად არ გამოვრიცხავ. ჩეხეთის ნაკრებს სათავეში სიამოვნებით ჩავუდგებოდი. ახლა დირექტორთა საბჭოს წევრი ვარ და ჩემთვის ეს დიდი პატივია. იმ გუნდის მსახური, რომელშიც კარიერის საუკეთესო წლები გავატარე ნამდვილი სიამოვნებაა. მე და ანდრეა ანიელი კარგი მეგობრები ვართ. ფეხბურთს და გოლფს ერთად ხშირად ვთამაშობთ, გვაქვს საერთო ინტერესები და ერთნაირად ვაზროვნებთ. ” -ბოლო სამი წლის მანძილზე “იუვენტუსში” რამდენიმე მწვრთნელმა იმუშავა. ზუსტად როდის შესთავაზეს ჩეხს მწვრთნელის პოსტი, ექს-ნახევარმცველს არ დაუკონკრეტებია.

წყარო: football italia