მელო მოურინიოს გულშემატკივარია

ანტონო კონტეს მოსვლის შემდეგ , იუვენტუსის ნახევარდაცვის ხაზი თანდათანობით იცვლის სახეს . გუნდს ანდრეა პირლო და მიკელე პაციენცა შეუერთდნენ , ამასთან ერთად კლაუდიო მარკიზიომ კიდევ ხუთი წლით გაახანგრძლივა კონტრაქტი , თუმცა ამ ფეხბურთელებთან ერთად არის კიდევ ფელიპე მელო . ბრაზილიელმა ფეხბურთელმა პირველი კოშმარული სეზონის შემდეგ ტურინში , საკუთარი თავი იპოვნა და კვლავინდებურად საიმედოდ ათამაშდა . ექსკლუზიურ ინტერვიუში Glolboesporte – სთან , მელო საუბრობს რომ ბედნიერია იუვენტუსში ყოფნით , მიუხედავად იმისა რომ უზომოდ ენატრება ესპანური ჩემპიონატი და ის პერიოდი როდესაც ალმერიას ღირსებას იცავდა . სხვათაშორის მოარული ხმების თანახმად მისით მადრიდის რეალი დაინტერესდა : ” ინფორმაცია რეალზე ? სიმართლე გითხრათ ამის შესახებ , მხოლოდ გაზეთებიდან შევიტყვე და ეს რომ მართლაც დადასტურდეს იქნება განუმეორებელი შეგრძნება , რადგან მაურინიოს ფანატი ვარ . ის მსოფლიოში საუკეთესო სპეციალისტია და თუ ჩემი კუმირი , ინტერსდება ჩემით , ეს ენით აუღწერელი გრძნობაა “ .

საკმაოდ თბილი სიტყვებით ამკობს ” განსაკუთრებულს ” ფელიპე . თუ ეს ტრანსფერი მართლაც განხორციელდა , მაშინ იუვენტუსს ექნება შანსი ხმაურიანი გარიგება მოახდინოს რეალთან , მაგრამ ბრაზილიელის სამსახურით მარტო ესპანური კლუბი როდია დაინტერესებული . მელოს საკუთარ კლუბში ხილვა არსენ ვენგერსაც სურს : ” ვენგერი კიდევ ერთი დიდებული სპეციალისტია , თუმცა ამ შემთხვევაშიც ეს მხოლოდ ჭორებია და არანაირი კონკრეტული შემოთავაზება . სიმართლე გითხრათ ბედნიერი ვარ ტურინში ყოფნით , თუმცა თუ წასვლაზე მიდგა საქმე სავარაუდოდ პრიმერაში გავაგრძელებ კარიერას . მაგრამ ჯერ ჯერობით დირექტორატთა საბჭომ უნდა გამოიტანოს გადაწყვეტილება , დამაყენებენ თუ არა ტრანსფერზე . დავბრუნდები თუ არა ბრაზილიაში ? ჯერ ჯერობით არა “ .

მაროტამ პირლო მოიყვანა გუნდში , თუმცა მელოს არ აშინებს ყოფილ მილანელთან კონკურენცია : “ ანდრეა ექსტრა კლასის ფეხბურთელია , რომელიც ისედაც ძლიერ შემადგენლობას კიდევ უფრო დააკომპლექტებს . ორი აზრი არაა , რომ ის საკუთარ ხელწერას დაადებს გუნდს მოედნის ცენტრში , მაგრამ ამასთან ერთად კონკურენციასაც გაზრდის . მე და პირლოს განსხვავებული საფეხბურთო მახასიათებლები გაგვაჩნია . ის ძალზედ ტექნიკურია , თუმცა ისეთივე ძლიერი ფიზიკურად არ არის როგორც მე . ვნახოთ როგორ განვითარდება მოვლენები “ .

ბრაზილიელი ფეხბურთელი ელოდება ანტონიო კონტესთან შეხვედრას და მისგან დახასიათებას , ჩაჯდება თუ არა ახალგაზრდა სპეციალისტის ახალ სათამაშო სქემაში : ” ამ ეტაპზე ოჯახთან ერთად ვისვენებ , რაც ბოლოს სამი თუ ოთხი წლის წინ მოხდა . ჩემი ტელეფონი ჩართულია და ნებისმიერს შეუძლია ჩემთან დაკავშირება უპრობლემოდ . ამ ეტაპზე იუვენტუსზე საერთოდ არ ვფიქრობ ” .

წყარო : TuttoJuve