ჯიოვინკოს არჩევანის გაკეთება მოუწევს

საკმაოდ კარგი ფრაზაა : ” მანამ არ უფრთხილდები ნივთს , სანამ არ დაკარგავ … ” – იუვენტუსმა ეს სიტყვები სებასტიან ჯიოვინკოს მიმართებაში უკვე არაერთხელ დაადასტურა . ბიანკონერის ახალმა მთავარმა მწვრთნელმა , ანტონიო კონტემ მკაცრად მოსთხოვა კლუბის დირექტორატს ” ატომური ჭიანჭველის ” ტურინში დაბრუნება . თუმცა , ეს შემთხვევა ძალიან ჰგავს ეპიზოდს , როდესაც დახურული კარიდან ცხენი გაიპარება …

ჯიოვინკო პარმას , გასული სეზონის დასაწყისში შეუერთდა არენდის სახით . საგულისხმოა , რომ მოკრძალებულ კლუბს აქვს უფლება გამოისყიდოს მისი კონტრაქტის 50 % – 3.5 მილიონ ევროდ . ფეხბურთელმა მნიშვნელოვანი როლი შეასრულა გუნდის თამაში და დიდწილად მისი დამსახურებაც არის , რომ პარმელებმა შეინარჩუნეს ადგილი სერია ა-ში . ამიტომ სრულებით ბუნებრივია რომ კლუბის სპორტულ დირექტორს პიეტრო ლეონარდოს მისი გამოსყიდვა სურს .

თავად ჯიოვინკოც კი , რომელიც ნამდვილი იუვენტინოა , მიხვდა თუ სად იქნება უკეთესი მისთვის კარიერის გაგრძელება .

კონტეს რათქმაუნდა აქვს შანსი ჯიოს დაბრუნების , რადგან პარმასა და იუვენტუს შორის ჯერ ჯერობით არანაირი ოფიციალური შეთანხმება არ გაფორმებულა და შესაბამისად , ტანმორჩილ ფეხბურთელზე სრულ უფლებას ისევ ბიანკონერი ფლობს . მაგრამ , თავად ფეხბურთელს აქვს დაკარგული ნდობა  მათ მიმართ , განსაკუთრებით სამწვრთნელო შტაბის გამო , რომლებიც იგნორირებას უკეთებდნენ ან უბრალოდ ვერ პოულობდნენ მისთვის ადგილს მოედანზე . ერთი სიტყვით იუვენტუსმა უბრალოდ არ იცოდა როგორ გადაეჭრა სებას პრობლემა . ” ატომურ ჭიანჭველას ” არ ჰქონდა დრო , დაემტკიცებინა თუ რას წარმოადგენდა .

დღეისათვის კი სიტუაცია შეიცვალა , კონტეს ახალ სქემაში : 4-2-4 , ჯიოვინკო იდეალურად ჩაჯდებოდა მარცხენა შემტევის პოზიციაზე . აღსანიშნავია , რომ ამ ტაქტიკურ წყობაში ფეხბურთელს გაცილებით დიდი სათამაშო სივრცე მიეცემა . მაგრამ პარმას მხრიდან  , საკმაოდ ბუნებრივი იქნება საკუთარი ინტერესების დაცვა და ამიტომ ჯერი ფეხბურთელზეა , სწორედ მან უნდა გადაწყვიტოს თუ სად სურს კარიერის გაგრძელება . პარმაში მან საკუთარი თავი იპოვა , გახდა ლიდერი , რომლის გარშემოდაც შენდება თამაში , პარმა მისთვის ახალი სახლია – იუვენტუსმა კი ის მიატოვა …  უკვე დღეს კი ბებერი ქალბატონი სწორად იქცევა , როდესაც სურს ჯიოს დაბრუნება , მაგრამ ეხლა უკვე მას აქვს შანსი დაიბევოს ადგილი იტალიის ეროვნულ ნაკრებში და ერთი წლის შემდეგ მიიღოს მონაწილეობა ევროპის ჩემპიონატზე . სწორედ ამ ყველაფრის გამო მოუწევს სებას კარგად დაფიქრება და უკვე შემდგომ გადაწყვეტილების მიღება ” .

წყარო : Goal.com