ჩელინო : ” მატრის სანაცვლოდ არანაირი ბარტერი არ განხორციელდება ”

კალიარის პრეზიდენტმა , მასიმო ჩელინომ გააფრთხილა ბიანკონერის გენერალური დირექტორი ჯუზეპე მაროტა , რომ მას მატრის სანაცვლოდ არ სურს არანაირი ბარტერის განხორციელება . მისი თქმით , თუ იუვენტუსი მართლაც აპირებს ალესანდროს გამოსყიდვას მაშინ მათ სრულად მოუწევთ თანხის გადახდა . შეგახსენებთ , რომ სკუადრა აძურის ახალწვეული იანვრის სატრანსფერო ფანჯრის პერიოდში იქნა არენდით აყვანილი ტურინულ გრანდში , დამაკმაყოფილებელი შედეგის შემთხვევაში კი მაროტას მისი გამოსყიდვა 15 მილიონ ევროდ შეეძლო . რამდენიმე ხნის წინ კი იტალიურ პრესაში გაჩნდა ინფორმაცია თითქოს მხარეებმა მოახერხეს საერთო ენის გამონახვა : 10 მილიონი ევრო და პლიუს სამი ახალგაზრდა ფეხბურთელი ( ლუკა მარონე , კრისტიან პასკუატო და ჩირო იმობილე )  …

” მე ვესაუბრე უკვე იუვენტუსის გენერალურ დირექტორს , ჯუზეპე მაროტას , რომელსაც კიდევ ერთხელ ავუხსენი , რომ არ მსურს არცერთი მათი აღზრდილი ფეხბურთელის აყვანა მატრის სანაცვლოდ . ბიანკონერის თუ მართლაც სურს მატრის გაფორმება , მათ სრულად მოუწევთ იმ თანხის გადახდა რაზეც იანვარში შევთანხმდით არენდის გაფორმებისას ” .

თავად ფორვარდს კი ბუნებრივია ტურინში სურს დარჩენა …

” ბედნიერი ვარ აქ ასპარეზობით , ვფიქრობ შევძელი საკუთარი შესაძლებლობების წარმოჩენა და იმედი მაქვს გავაგრძელებ ასპარეზობას იუვენტუსში , თუმცა უშუალოდ სეზონის შედეგით კმაყოფილი ნამდვილად არ ვარ . ყველანი იმედგაცრუებულნი ვართ ჩემპიონატის ფინიშით . გასულ სეზონში კარგი გაკვეთილი ვიგემეთ მარცხის , მომდევნოში კი იმედი მაქვს მხოლოდ გამარჯვებებისგან მიღებული სიამოვნებით დავტკბებით  ” .

წყარო : Football italia