პაციენცა : “კონტესგან ბევრს ვისწავლი”

ტურინის “იუვენტუსის” ახალწვეულმა, მიკელე პაციენცამ Tuttojuve – ს საკმაოდ ვრცელი ინტერვიუ მისცა.

– მიკელე, ახლა “იუვენტუსის” ფეხბურთელი ხარ, რას გრძნობ და რა მიზნები გაქვს ?

“ეს ჩემი ცხოვრების მეტად საინტერესო პერიოდია.მინდა ყველას დავუმტკიცო, რომ დიდ გუნდში ადგილის შენარჩუნება შემიძლია.”

– “იუვენტუსში” გადმოსვლით “ნაპოლისთან” ერთად ჩემპიონთა ლიგაზე ასპარეზობაზე უარი თქვი…

“არ ვნანობ, ევროპაში იუვესთან ერთად დავბრუნდები.”

– თამაში იმ პოზიციაზე მოგიწევს, რომელზეც წლების წინ შენი ახალი მწვრთნელი თამაშობდა.როგორ ფიქრობ, წარმატების გასაღები სწორედ ანტონიო კონტეშია ?

“რა თქმა უნდა…ბედნიერი ვარ, რომ ასეთი მწვრთნელი მეყოლება.მას ვენდობი და მჯერა, მისგან ბევრს ვისწავლი და ნამდვილი ჩემპიონი გავხდები.”

– “იუვენტუსს” საკმაოდ ძლიერი შუახაზი ჰყავს.პირლოსა და მარკიზიოს შეუძლიათ შესანიშნავი პარტნიორობა გაგიწიოთ.

“მოხარული ვარ, რომ ასეთი დონის ფეხბურთელებთან ერთად მომიწევს თამაში.საერთო ჯამში, ვეცდები მწვრთნელსა და გუნდელებს საკუთარი თავი დადებითად ვაჩვენო.”

– მარკიზიო და პირლო ეროვნული ნაკრების წევრები არიან.რას ფიქრობ სკუადრა აძურაზე ?

“პრანდელი ნაკრებში სტაბილურად მოასპარეზე ფეხბურთელებს მიიწვევს.ვეცდები, იუვეში სტაბილურობა შევინარჩუნო.”

– კვალიარელასა და იაკინტასთან ერთად კარიერის ადრეულ წლებში ითამაშე, ახლა ისინი ისევ შენი თანაგუნდელები არიან.მათ ესაუბრე ?

“ფაბიოსთან კონტაქტი 2 კვირის წინ მქონდა.ახლა ის ისვენებს.ნებისმიერ შემთხვევაში, მათთან ერთად ასპარეზობა სიამოვნებაა.ორივე მათგანთან შესანიშნავი ურთიერთობა მაქვს.”

– ნომერი უკვე აირჩიე ?

“არა, მომავალში განვიხილავ, რომელი ნომრები იქნება თავისუფალი.”

– რას ეტყოდი ან დაპირდებოდი გულშემატკივრებს ?

“იუვენტუსში დიდი ენთუზიაზმით სავსე მოვედი და მინდა ამ გუნდთან ერთად წარმატებას მივაღწიო.”

წყარო : Tuttojuve