რომელ კლუბს აირჩევს ინლერი ?

გასული სეზონის დასრულებისთანავე  , გავრცელდა ინფორმაცია , რომ ტურინის იუვენტუსი გიოკხან ინლერს გაიფორმებდა . თუმცა , ბაინკონერის ნეაპოლიტანური ” ნაპოლის ” სახით სერიოზული კონკურენტი გამოუჩნდა . ბუნებრივია იბადება საკამოდ ლოგიკური კითხვა , თუ რომელ კლუბს მიანიჭებს უპირატესობას შვეიცარიელი ფეხბურთელი და საერთოდ , გამაოდგება კი ის ბებერ ქალბატონს ? მის პოზიციაზე გუნდს უკვე ჰყავს არაერთი შუახაზელი  …

რომელ კლუბს უფრო მეტად ესაჭიროება ინლერის დახმარება ?

ორი აზრი არაა , რომ ამ ბრძოლაში ნაპოლი უკონკურენტოა . ტურინელთა რიგებში ისედაც არაერთი მაღალი დონის ნახევარმცველი ირიცხება , მარტო პირლოს დასახელება რად ღირს . ამასთან ერთად საფეხბურთო მახასიათებლებით ინლერი , სწორედ ანდრეას ჰგავს . ნაპოლის რიგებში კი სიტუაცია ამ მხრივ საკმაოდ პრობლემატურად გამოიყურება , მიუხედავად იმისა რომ მაცარი კატეგორიულად უარყოფს ზემოთხსენებულ ფაქტს .

ნეაპოლიტანურ კლუბს საერთო ჯამში არ ჰყავს ფეხბურთელი , რომელიც საკუთარი საჯარიმოდან წამოიღებდა ბურთს და განავითარებდა სწრაფ ტემპში იერიშს , ყველაზე დაცვით გუნდთანაც კი კალჩოში . სწორედ ასეთ გუნდებთან ექმნებოდა ყველაზე მეტი პრობლემა მაცარის , მის გუნდს უჭირდა დაცვითი ბარიერების გარღვევა .

იუვენტუსში სიტუაცია სხვაგვარად გამოიყურება , მაროტამ პირლო გაიფორმა რაც ნიშნავს , იმას რომ პრობლემა შექმნაში არ იქნება , თუმცა აქ სხვა ფაქტორია გასათვალისწინებელი . 32 წლის შუახაზელი ბოლო პერიოდში ხშირად იღებს ტრავმებს , შესაბამისად დუეტი ინლერი – მელო , ან ინლერი მარკიზიო გაცილებით საიმედოდ გამოიყურება ასეთ დროს .

რომელი კლუბი უფრო უხდება ინლერს ?

ამ ნომინაციაშიც გამარჯვებული ნაპოლია . მაცარის უმთავრესი სათამაშო მოდული გახლავთ 3-5-2 , რომელიც პრაქტიკულად იდენტურია ინლერის ამჟამინდელი გუნდის ” უდინეზესი ” . შესაბამისად შვეიცარიელ ფეხბურთელს არ მოუწევს რაიმე ახალ ტაქტიკასთან შეგუება . თავის მხრივ მაცარის მოედანზე ყოველთვის ჰყავს ერთი სუფთა სისხლის ჩამშლელი , რომელიც ხელ ფეხს უხსნის დანარჩენ შუახაზელებს ითამაშონ თავისუფლად . ეს კი ინლერისთვის კიდევ ერთი ნაცნობი რამ გახლავთ , უდინეზეში გვიდოლონი ანალოგიური ჩანიფიქრით მოქმედებდა კვადო ასამოას დახმარებით .

იუვენტუსში საქმე რთულად არის . 4-2-4 სათამაშო სქემაში , გიოკხანს მოუწევს არამარტო საკუთარ თავზე თამაში , არამედ ” მასსზეც ” . კონტე მას მთლიანი ზონის გაკონტროლებას დაავალებს , თან თუ მასთან ერთად მოედანზე პირლო გამოჩნდა სახუმაროდ საქმე  ნამდვილად არ ექნება .

ზემოთხსენებული ფაქტების გათავლისწინებით , ნაკლებად სავარაუდოა რომ ინლერს ტურინული პრესპექტივა ხიბლავდეს და მხოლოდ ჩაშლაზე ფიქრობდეს . გაცილებით სიმპატიურად გამოიყურება ნაპოლის ვარიანტი , სადაც ის თავად წარმართავს საკუთარი გუნდის თამაშს .

რომელ კლუბში შეხვდება ინლერი დიდ კონკურენციას ?

ამ ნომინაციაში იუვენტუსი ფავორიტია . თუ გავითვალისწინებთ ანტონიო კონტეს მოდულს ( 4-2-4 ) , ვნახავთ , რომ ახალგაზრდა სპეციალისტის სქემაში , ადგილი მოიძებნება მხოლოდ ორი შუახაზელისთვის . გადავხედოთ შემადგენლობას : მარკიზიო , პირლო , სისოკო , პაციენცა , მელო და ინლერი ( პოტენციურად ) – მივიღებთ გიჟურ კონკურენციას ! ისიც კი არ არის გამორიცხული , ინლერი საერთოდ სათადარიგოთა სკამის მფლობელი გახდეს მთელი სეზონის მანძილზე .

ნაპოლი ამ მხრივაც მოგებულ სიტუაციაში , მაცარი მოედანზე ისეთ ტაქტიკას მიმართავს , რომ ინლერისთვის სასტარტოში ადგილის მოძებნა პრობლემას არ წარმოადგენს . ანუ შანსი , რომ შვეიცარიელი სათადარიგოთა სკამს გაუშინაურდება , მინიმალურია .

ინლერს მოუწევს ამ ფაქტებზედაც სერიოზულად დაფიქრება , სანამ საბოლოო გადაწყვეტილებას გამოიტანს .

რომელი კლუბი უფრო მეტს იხდის ინლერის სანაცვლოდ ?

როგორც ჩანს ნეაპოლიტანური კლუბი უკვე შეუთანხმდა უდინეზეს სატრანსფერო ღირებულებაზე , ეხლა უკვე დროა პირად კონტრაქტს მიხედონ . თავის მხრივ ტურინელები არ ჩქარობენ უდინელ კოლეგებთან შეთანხმების მიღწევას . მაროტა საკმაოდ ეკონომიურად მოქმედებს სატრანსფერო ბაზარზე , რადგან ბიანკონერი კოლოსალურ ინვესტიციას მხოლოდ ფორვარდში განახორციელებს . ყველაფერთან ერთად ჯერ არ გადაჭრილა პრობლემა მარცხენა ნახევარმცველის კანდიდატზე და ასევე მარჯვენა , განაპირა მცველზე .

მეორეს მხრივ კი მაროტა გაცილებით მეტს სთავაზობს ინლერს ხელფასის სახით , ვიდრე ნაპოლი . დე ლაურენტისი კი თავის მხრივ არ აპირებს კომპრომისზე წასვლას და ჯამაგირის მომატებას .

რომელ კლუბს გააჩნია უფრო დიდი ამბიციები და პროექტი ?

მომავალ სეზონში ნაპოლი ჩემპიონთა ლიგის გათამაშებაში მიიღებს მონაწილეობას , მაშინ როდესაც იუვენტუსი ყველანაირად ცდილობს დაუბრუნდეს იტალიური ფეხბურთის ელიტას . გასულ სეზონში ისინი საერთოდ ყველანაირი ევროპული ტურნირის მიღმა დარჩნენ … 27 ივნისს , ინლერს 27 წელი შეუსრულდება და იტალიელი სპეციალისტების აზრით , მას დიდი და სტაბილური კარიერა ელოდება წინ . ამ მხრივ კი ნაპოლის ვარიანტი თითქოს უმჯობესია , შვეიცარიელს იმედი ექნება , რომ დე ლაურენტისის კლუბი მომავალშიც გააგრძელებს პროგრესირებას .  მეორეს მხრივ კი იუვენტუსი ყველაზე ტიტულოვანი გუნდია იტალიაში და აქ ასპარეზობა ნებისმიერი ფეხბურთელისთვის უპრესტიჟულესი რამ გახლავთ .

ინლერს ორი აზრი არაა , რომ იზიდავს ჩემპიონთა ლიგა , სადაც ნაპოლისთან ერთად იასპარეზებს , მისი აზრით , აქ ხომ ყველაზე წარმატებული ფეხბურთელები ასპარეზობენ . მაგრამ არ არსებობს არანაირი გარანტია , რომ გიოკხანი მომავალში გრანდების მხრიდან ისევ იქნება მოთხოვნადი და სასურველი ფეხბურთელი … მიუხედავად იმისა , რომ იუვენტუსი ჯერ ჯერობით კრიზისში იმყოფება .

შედეგი : ჩამომთვლილი ფაქტებიდან , ორი აზრი არაა რომ ინლერისთვის ბრძოლაში ფავორიტი გახლავთ ნაპოლი . მაგრამ არ ღირს იმის დავიწყება , რომ გიოკხანმა უკვე გააფორმა იუვენტუსთან წინასწარი შეთნხმება , მაშინ როდესაც დე ლაურენტისი უდინეზეს შეუთანხმდა . იმ შემთხვევაში თუ ინლერი უპირატესობას ნაპოლის მიანიჭებს , ეს იქნება მორიგი დარტყმა იუვენტუსის რეპუტაციაზე .

წყარო : Goal.com