მარტინესი შესაძლოა “კატანიაში” დაბრუნდეს

ტურინის “იუვენტუსის” ფეხბურთელი, ხორხე მრტინესი, შეიძლება თავის ყოფილ გუნდს, “კატანიას” დაუბრუნდეს. ურუგვაელ ნახევარმცველს წელს ტურინში ძალიან რთული სეზონი ჰქონდა, მან თავი ვერაფრით გამოიჩინა და შესაბამისად, გავრცელდა ჭორები მისი გუნდიდან წასვლის შესახებ. მარტინესი 2010 წლის ზაფხულში “ბიანკონერიმ” 12 მილიონ ევროდ “კატანიასგან” გაიფორმა. თუ სხვადასხვა წყაროებს დავუჯერებთ, არსებობს შანსები იმისა, რომ ხორხე სიცილიაზე დაბრუნდეს. ამ ყველაფერს “კატანიას” პრეზინდენტი, პიეტრო ლო მონაკოც ადასტურებს:“დიახ, ეს სიმართლეა. მოლაპარაკებები “იუვენტუსთან” მარტინესის დაბრუნების თაობაზე მართლაც არსებობს. თუმცა, მე ყოველთვის ახალი სახეების მოძიებას ვანიჭებდი უპირატესობას…” მარტინესის მომავალი ბოლო პერიოდში კიდევ ორ გუნდთან, “ფიორენტინასთან” და ჩემპიონთა ლიგის საკვალიფიკაციო ეტაპზე გასულ “უდინეზესთან” იყო დაკავშირებული.

წყარო: Football-Italia