კონტე: ” “იუვენტუსი” უნდა დავაბრუნოთ “

ანტონიო კონტეს “იუვენტუსის” მწვრთნელად ოფიციალურად გამოცხადების შემდეგ თითქმის ერთი თვე გავიდა. კონტემ ახალ კოლექტივთან ერთად უკვე ვარჯიშიც დაიწყო და გუნდის ენთუზიაზმით კმაყოფილი ჩანს. ვარჯიშების პირველ დღეს ვინოვოზე მხოლოდ დე ჩელიე, კუალიარელა და მარტინესი ირჯებოდნენ…

” ვარჯიშის დაწყებას დიდი ენთუზიაზმით ვხვდებით, საუბარი მხოლოდ ჩემზე არაა, ეს კი ძალიან მნიშვნელოვანია. “იუვენტუსის” დიდების მწვერვალზე დასაბრუნებლად შინაგანი მოტივაციაა აუცილებელი. ცოტა დავმშვიდდი, როცა ყველა ფეხბურთელს ტელეფონით გავესაუბრე. გასული წლის შედეგ თითოეული მათგანი სიბრაზითა და გამარჯვების დაუოკებელი წყურვილით ხვდება სეზონს. ეს სიტყვები, რა თქმა უნდა, გახარებს, მაგრამ სიტყვები საქმედ უნდა ვაქციოთ. ”

” ყველა იმ ფეხბურთელის ვინაობა, რომელიც ვიყიდეთ დირექტორატთან შეთანხმდა. პირლოს ძალიან უნდა არც ისე წარმატებული სეზონის შემდეგ რეაბილიტაცია მოახდინოს. მან შესანიშნავად იცის გამარჯვების გემო და რაც მთავარია იცის, თუ როგორ უნდა გაიმარჯვოს. პაციენცა? გარგანოსთან შეწყვილებულმა თავისი თამაშით ძალიან გამაკვირვა. დავახასიათებდი, როგორც მოკრძალებულ, უხეშ და გაბედულ ფეხბურთელს. გასული სეზონი არც ციგლერისთვის იყო საუკეთესო. ფეხებთან დაკავშირებით ყველაფერი რიგზე აქვს, სირბილიც სხვაზე უკეთ შეუძლია. ახლა ყველასთან ტაქტიკური კუთხითაა მუშაობა საჭირო. ”

” ძალიან მახარებს გულშემატკივართა შემართებაც. იმედია ეს ყველაფერი სეზონის ბოლომდე შენარჩუნდება. ჩვენი მიზანი ბოლომდე ბრძოლა და “იუვენტუსის” დაბრუნებაა. მინდა, რომ ტიფოზები საყვარელი გუნდით ამაყობდნენ. მაგრამ ჩემი სიტყვები საქმით უნდა დავამტკიცო ისევე, როგორც ამას ფეხბურთელის კარიერაში ვაკეთებდი. ” -აცხადებს კონტე.

წყარო: “იუვენტუსის” ოფიციალური ვებ-გევრდი