La Gazzetta dello Sport : იტალიაში კალჩიოპოლი ბრუნდება

” საკმაოდ სერიოზული და ამავე დროს , უსაფუძვლო ბრალდებები ინტერის მიმართ ” – ეს გახლავთ მასიმო მორატის პირველი სიტყვები მას შემდეგ , რაც ფედერალურმა პროკურორმა პალაციმ ღიად დასდო ბრალი ნერიაძურის , რომ იგი კანონ საწინააღმდეგო ღონისძიებებს ახორციელებდა  კალჩიოპოლის დროს . ” პალაცი ცდება “ …

ფაკეტის შესახებ : ” პალაცი ყველაფერს აბუქებს . ინტერის ქომაგები კარგად იცნობდნენ ფაკეტის და მათ ასევე მშვენივრად მოეხსენებათ იმ ადამიანების შესახებ , რომლებიც კლუბში მუშაობენ “ ….

კალჩიოპოლი ბრუნდება ?

” ჩვენ ვბრუნდებით იმ ეტაპზე , როდესაც საქმის განხილვა მიმდინარეობდა და ბუნებრივია ეს ყველაფერი ჩემზე საკმაოდ ცუდად მოქმედებს . იმ პერიოდში  ყველა იმას აცხადებდა , რომ არ იყვნენ საქმის კურში რა ხდებოდა მათ გარშემო , ან შესაძლოა არ უნდოდათ გარკვეული საგნების დანახვა . ამ ეტაპზე რაიმე ახალი მტკიცებულებები არ არსებობს , სასამართლო კვლავინდებურად იმ ფაქტებს იხილავს , რამაც უკვე არაერთხელ გაიჟღერა . თუმცა  , ინტერი არ აპირებს ასეთი განცხადებების მიღებას  , რადგან ეს გახლავთ ფაკეტის შეურაწყოფა , ადამიანის რომელიც უკვე აღარ არის ჩვენს გვერდით . პირადად მე , დიდი პატივისცემით ვარ მის მიმართ განწყობილი , რასაც ვერ ვიტყვი ადამიანებზე , რომლებიც ცდილობენ მისი სახელის ცუდ კონტექსტში მოხსენიებას ”  – განაცხადა ინტერის პრეზიდენტმა მასიმო მორატიმ .

მოჯის შეტევა :  ” ჩვენ ვცდილობთ ვაჩვენოთ ყველას , რომ ინტერმა დაარღვია 1 კანონი და 6 , რომელიც საკმაოდ სერიოზული მუხლია . ვიმედოვნებ , რომ ეგრეთ წოდებული ” სუფთა ბრიგადა ” , ვეღარ შესძლებს იგივე სახელის დაძახებას მომავალშიც . წარმოდგენა არ მაქვს 2006 წლის სკუდეტო ვის უნდა გადასცენ , თუმცა ფედერაცია უნდა მიხვდეს , რომ იმ პერიოდში სერიოზული შეცდომა დაუშვა . დღემდე ვფიქრობ , რომ ეს ნაბიჯი არ უნდა გადაედგათ . რაც შეეხება ინტერის მაქინაციებს , ეს არ მიკვირს და მიხარია , რომ სიმართლე როგორც იქნა ყველასათვის ცნობილი გახდა . ეს არ არის შურისძიება , უბრალოდ ვცდილობ თავი დავიცვა ” .

წყარო : La Gazzetta dello Sport