კუალიარელა: ” კონტეს ფილოსოფია მომწონს “

უკვე დიდი ხანია “იუვენტუსის” სახელს ხან კუნ აგუეროს ხანაც ჯიუზეპე როსის უკავშირებენ. “ბებერი ქალბატონის” ფორვარდი ფაბიო კუალიარელა მათი ტურინში ხილვით ბედნიერი იქნებოდა, თუმცა, ფიქრობს, რომ “იუვეს” წინა ხაზში ძალა არ აკლია…

” გასულ სეზონში, იანვრადე, “სერია ა” -ში საუკეთესო წინა ხაზი გვქონდა. აქედან გამომდინარე, პრობლემას შეტევაში ვერ ვხედავ. გასაგებია, რომ “იუვესნაირი” გუნდები ყოველთვის ინტერესდებოდნენ დიდი ფეხბურთელებით, მათი ტრანსფერის წინააღმდეგი არც მე ვარ. ამ ფეხბურთელებს გაშლილი ხელებით შევხვდები. ”

” მოედანზე დაბრუნების ძალიან დიდი სურვილი მაქვს, სიტყვებით ვერ გამოვხატავ, როგორ მინდა თამაში. როგორც იქნა, გუნდს დავურბუნდი, ისევ მწყობრში ვარ და ჩვეულ ტემპსა და რითმში ვვარჯიშობ. ახლა მთავარია, ჩემი კუნთები მთელი წინასასეზონო მომზადების პერიოდში მწყობრში ვამყოფო. ”

კუალიარელა დელ ნერის ტაქტიკაში მეორე ფორვარდის პოზიციას იკავებდა, თუმცა კონტემ თავის 4-2-4 -ში შესაძლოა განაპირა თავდამსხმელის როლი დააკისროს.

” თუ გუნდის წარმატებას ჩემ მიერ ამ მსხვერპლის გაღება სჭირდება, მაშინ თანახმა ვარ, მაშინაც კი, თუ ამ პოზიციაზე მთელი ჩემპიონატის გატარება ძალიან რთული იქნება. თუ კონტე მთხოვს, ცხადია, პრობლემა არ შეიქმნება. მისი იდეები მოწმონს, რადგან ანტონიოს ფილოსოფიით თავდამსხმელები მუდამ თამაშში არიან. მწვრთნელმა ზუსტად იცის რა უნდა – გამარჯვება. ყოველი მატჩი თავისუფალი გონებით უნდა დავიწყოთ, იქნება ეს საშინაო თუ საგარეო მატჩი. თავიდანვე უნდა შევუტიოთ, რომ მეტოქეებმა მალევე გაიგონ, “იუვენტუსის” წინააღმდეგ თამაში ძალიან რთულია. ” -აცხადე კუალაირელა.

წყარო: football italia