სატრანსფერო ციებ ცხელება ( როსი )

ჯუზეპე როსის ტრანსფერი , ტურინის ” იუვენტუსში ” შესაძლოა მიმდინარე კვირის განმავლობაში განხორციელდეს . ”  ბიანკონერის მხრიდან მცირე დათმობაზე წასვლაა აუცილებელი და ვიალიარეალი , ყოველგვარი დაყოვნების გარეშე შეელევა როსის ” – განაცხადა იტალიელი ფორვარდის აგენტმა . ” მიმდინარე კვირაში არაერთი ხმაურიანი გარიგება განხორციელდება და შესაძლოა მათ რიცხვში ჯუზეპეს ტრანსფერიც შევიდეს ”  – განაგრძო საუბარი ფედერიკო პასტორელომ Sky Sport 24 – ის წარმომადგენლებთან . ” ვფიქრობ , ვილიარეალმა სწორად შეაფასა როსი , ახლა კი ჯერი იუვეზეა , მათ უნდა დაამტკიცონ  რომ რეალურად სურთ ჩემი კლიენტის საკუთარ რიგებში ხილვა . განვმეორდები , მოლაპარაკებების დასრულებას წინ , დიდი დრო არ უდგას , უბრალოდ მაროტამ სწორი შეთავაზებით უნდა მიმართოს ესპანურ კლუბს . რაც შეეხება როსის , ის თავს მშვიდად გრძნობს და ყურადღებით აკვირდება მოვლენების განვითარებას . იმ შემთხვევაში , თუ კარიერის გაგრძელება ვილიარეალში მოუწევს , იგი შეეგუება ამ აზრს , რადგან ესპანეთში თავს კომფორტულად გრძნობს  “ . იტალიური პრესის განცხადებით , ვილიარეალი როსის სანაცვლოდ 27 მილიონ ევროს ითხოვს .

წყარო : football-italia