თქვენს წინაშეა იუვენტუსის ახალწვეული არტურო ვიდალი …

10 წელი გავიდა მას შემდეგ , რაც იუვენტუსში ჩილელი ფეხბურთელი თამაშობდა . ბოლოს ეს ლეგენდარული მარსელო სალასი იყო . თუმცა , უკვე დღეს ,  მის გზას არტურო ვიდალი გააგრძელებს , ექსტრა არაორდინალური ფეხბურთელი სამხრეთ ამერიკიდან …

არტურ ეზამო ვიდალ პარდო დაიბადა 1987 წლის 22 მაისს სანტიაგოში . საინტერესო დამთხვევაა სხვათაშორის , სწორედ ამ დღეს ,  1979 წელს მოიგო ბიანკონერიმ თავისი პირველი უეფას თასი , ხოლო 1996 წლის 22 მაისს ჩემპიონთა ლიგის თასსაც დაეუფლა . ჩილელი ჩვენ გუნდს , გერმანიაში გატარებული ოთხი წლის შემდეგ შეურთდა . უნდა აღინიშნოს , რომ არტურო საკუთარი კლუბის ერთ ერთი წამყვანი ფიგურა იყო , რომელმაც გასულ სეზონში მეორე პოზიცია დაიკავა ბუნდეს ლიგაში .

თავისი საფეხბურთო კარიერა , ვიდალმა ჩილეს ერთ ერთ საუკეთესო კლუბ ” კოლო კოლოში ” დაიწყო . ახალგაზრდულ კლუბში ასპარეზობის შემდეგ , როდესაც 19 წელი შეუსრულდა მას ძირითად გუნდში უხმეს . 2006-2007 წლებში  კი ჩილეს ნაკრები Apertura Tournament – ში იმარჯვებს ორჯერ და ასევე Clausura Tournament – ზეც არ დათმობს პირველობას . არტუროს მშვენიერი ასპარეზობა როგორც საკლუბო ისე სანაკრებო დონეზე , არ დარჩა შეუმჩნეველი ევროპული კლუბებისგან .

არტუროსთვის ბრძოლაში , გამარჯვებული ” ბაიერი ” გამოვიდა და უნდა ითქვას , რომ ლევერკუზენში ჩილელი ნახევარმცველი თამაშიდან თამაშამდე პროგრესირებდა . გასულ სეზონში მან 10 გოლის გატანა მოახერხა 33 შეხვედრაში და მნიშვნელოვანი წვლილი შეიტანა კლუბისთვის  მიერ მეორე ადგილის დაკავებაში , რითაც ჩემპიონთა ლიგაზე ასპარეზობის უფლება მოაპოვებინა .

სანაკრებო კარიერაც კარგად მიმდინარეობს . ბოლო წლებთან შედარებით ჩილეს ნაკრები , საკმაოდ სერიოზულ ძალად ითვლება , რომელმაც კარგი შთაბეჭდილება დატოვა უკანასკნელ მუნდიალზე , თუმცა 1/8 ფინალში ბრაზილიის ნაკრებთან ვერაფერს გახდა . ჩვენი ახალწვეული კი უკლებლივ ყველა მატჩში , ძირითად შემადგენლობაში ასპარეზობდა .

უკანასკნელ კოპა ამერიკაზე , კი ჩილეს ეროვნული გუნდი ვენესუელამ შეაჩერა 1/4 ფინალში . ვიდალმა თავის მხრივ სამ შეხვედრაში მიიღო მონაწილეობა და ერთი გოლის გატანაც მოახერხა , რომელმაც გადაწყვიტა კიდევაც მექსიკასთან მატჩის ბედი .

არტურო ვიდალი – სრულყოფილი ფეხბურთელი , რომელსაც განსხვავებულ პოზიციებზე შეუძლია ასპარეზობა . მას თანაბრად კარგად შეუძლია თამაში როგორც  ჩამშლელობით  პოზიციაზე , ისე შემტევზე , მაგრამ ყველაზე კომფორტულად თავს ცენტრალური ნახევარმცველის ადგილას გრძნობს . დიდი გამოცდილების ხარჯზე , მას შეუძლია დაცვაში უშეცდომოთ ასპარეზობა და ასევე საჭირო დროს შეტევაში ჩართვაც , რაზეც მიუთითებს კიდევაც 10 გატანილი გოლი გასულ სეზონში .

წყარო : ტურინის იუვენტუსის ოფიციალური ვებ გვერდი