როსი , ვუჩინიჩი და იუვენტუსის სატრანსფერო გეგმები

ესპანური პრესის ინფორმაციით , ტურინის ” იუვენტუსი ” ძალზედ ახლოს არიან ჯუზეპე როსის  დაკარგვასთან . ამ ინფორმაციას ავრცელებს Football Italia .  იტალიელებს იმედი ჰქონდათ , რომ 25 მილიონ ევროდ შეიძენდნენ ფორვარდს და პლიუს დამატებით ბონუსებსაც გადაუხდიდნენ ვილიარეალს , წარმატებული ასპარეზობის შემთხვევაში . მაგრამ , პარასკევს გამართულმა შეხვედრამ ფედერიკო პასტორელოსთან , როსის აგენტთან , არანაირი შედეგი არ მოიტანა . ესპანელები კვლავინდებურად 30 მილიონს ითხოვენ და არცერთი ევროთი ნაკლებს . სხვათაშორის , იმავე წყაროს ინფორმაციით , იმ შემთხვევაში თუ მადრიდის ” ატლეტიკო ” მოახერხებს სერხიო კუნ აგუეროს გაყიდვას 45 მილიონად , მაშინ სწორედ ისინი შეეცდებიან როსის შეძენას , რომელიც მათი აზრით იდეალურად შეცვლის არგენტინელ ფეხბურთელს … ( გაგრძელება სრულიადში )

იტალიური პრესა კი ამასობაში მირკო ვუჩინის ტრანსფერზე ალაპარაკდა . არავისთვის არის ახალი , რომ ანტონიო კონტეს ძალზედ ესიმპატიურება ჩორნოგორიელი ფეხბურთელი მისი სათამაშო მახასიათებლების გამო . ვუჩინიჩს თანაბრად კარგად შეუძლია წინა ხაზზეც და მარცხენა შემტევ ნახევარმცველად ასპარეზება  . ეს პოზიცია კი ჯერ ჯერობით ვაკანტურია ტურინში . რაც მთავარია ბებერ ქალბატონს , 27 წლის ფეხბურთელი გაცილებით იაფი დაუჯდება , ვიდრე თუნდაც როსი . რომაელი ფორვარდის წასვლას არც დედაქალაქური კლუბის წარმომადგენლები გამორიცხავენ .

მაგრამ მიუხედავად ყველაფრისა , როსის ჩამოწერა ჯერ ძალიან ადრეა . იტალიაში სხვადასხვა ავტორიტეტული გამომცემლობის ჟურნალისტები და საფეხბურთო სპეციალისტები , ერთმად აღნიშნავენ , რომ ბიანკონერი სატრანსფერო ბაზარზე მცირე პაუზას აიღებს და აგვისტოს ბოლოსთვის ხმაურიანი გარიგებებით დაბრუნდება . შესაძლოა გუნდმა როსიც გაიფორმოს და ვუჩინიჩიც ! ჯუზეპესთან დაკავშირებით , ტრანსფერს უშუალოდ ვილიარეალი აფერხებს , რომელსაც სურს მისი გამოყენება ჩემპიონთა ლიგის საკვალიფიკაციო ეტაპზე , ეს ყველაფერი კი იუვენტუსისთვის ამ ეტაპზე პრობლემას არ წარმოადგენს , რადგან ტურინელები არ ასპარეზობენ არცერთ ევროპულ გათამაშებაში . საინტერესოა , თავად ანტონიო კონტე რამდენად დათანხმდება ამ ვარიანტს , რადგან ფეხბურთელს ფაქტიურად მთელი წინასასეზონო მომზადება გაუცდება ბიანკონერიში .

რაც შეეხება ვუჩინიჩს , თუ მირკო მართლაც ჩაირიცხება იუვეში , დღევანდელი გადმოსახედიდან ის არ შეუქმნის პრობლემას ჯუზეპე როსის ტრანსფერს , რადგან კონტეს მისი გამოყენება ფლანგზე სურს,  4-2-4 სათამაშო სქემაში .

ერთი სიტყვით , მთავარ ტრანსფერებს აგვისტოს თვეში უნდა ველოდოთ …