კონტე: ” კმაყოფილი ვარ “

ყოველი კარგად ჩატარებული შეხვედრა ოპტიმიზმის საფუძველია. დღეს ადრიან დილით ანტონიო კონტეს შეგირდებმა “გვადალახარა” დაამარცხეს, მაგრამ რაც უფრო მთავარია, აჩვენეს საინტერესო და ღირსეული ფეხბურთი. მიღწეულით მთავარი მწვრთნელიც კმაყოფილია: ” კმაყოფილი ვარ, მით უმეტეს, რომ ბოლო შეხვედრა სულ რაღაც ორი დღის წინ ჩავატარეთ, შევცვალეთ თითქმის მთელი გუნდი, ჩვენს ფეხბურთელებს კი ჩვენი სათამაშო სისტემის ღრმად სჯერათ, ვფიქრობ, ამ ფილოსოფიით თამაშით სიამოვნებასაც ღებულობენ. იყო საინტერესო კომბინაციები, რომლებმაც მაყურებელი ძალიან გაართო და ამასთან, ბურთის მეტოქეთა კარამდე მიტანაში დაგვეხმარა. მთლიანი შედეგი ამ ამხანაგური შეხვედრებიდან პოზიტიურია. საერთაშორისო დონის გუნდებთან ვთამაშობდით, თანაც, დე ჩელიე და კუალიარელა ჯერ მხოლოდ ცდილობენ ფორმაში ჩადგომას. ეს ყველაფერი და ის ხასიათი, რომელსაც გუნდში ვხედავ მომავლის იმედს მაძლევს. ” -აცხადებს კონტე.

წყარო: “იუვენტუსის” ოფიციალური ვებ-გვერდი